Tags-Chehra

zauq-e-ubūdiyat hai ta.ayyun se be-niyāz
ham-sūrat-e-jabīñ dar-e-jānāna chāhiye

chheḌ dī qāmat-o-gesū kī hikāyat ham ne
kisī sūrat se to zikr-e-rasan-o-dār aa.e

sadiyoñ se sarāboñ meñ ghirā soch rahā huuñ
ban jaa.e kahīñ sabza-e-shādāb kī sūrat

mauj aa.e koī halqa-e-girdāb kī sūrat
maiñ ret pe huuñ māhī-e-be-āb kī sūrat

pahchān mujhe bhī ki zamīñ shakl hai merī
maiñ sindh kā chehra huuñ na punjab kī sūrat

hai soch kā tesha to nikal aa.egī ik din
patthar ke hisāroñ meñ koī baab kī sūrat

āsār nahīñ koī magar dil ko yaqīñ hai
ghar hogā kabhī vādī-e-mahtāb kī sūrat

mere ā.īne meñ tum sūrat-e-zebā dekho
tum ne ab tak jo na dekhā ho vo jalvā dekho

zinda rah luuñ kisī sūrat to baḌī baat hai ye
varna jaañ se to guzarnā koī dushvār nahīñ

le uḌī tujh ko nigāh-e-shauq kyā jaane kahāñ
terī sūrat par bhī ab terā gumāñ hotā nahīñ

apnī gardan pe machaltī huī talvār na ban
nañg-e-īmāñ hī sahī sūrat-e-inkār na ban

mujhe faḳhr hai 'panchhī' bazm-e-suḳhan meñ
gayā huuñ ba-sūrat ġhazal-go gayā huuñ

mohtāj thī ā.īne kī tasvīr sī sūrat
tasvīr banāyā mujhe mahfil meñ kisī ne

sūrat-e-mauj-e-sabā log idhar se guzre
ye to anjānī havāoñ kī Dagar hai koī

shab khulī thī bahār kī sūrat
din sitāroñ sā jagmagāyā thā

kitne chehroñ ne mujhe dāvat-e-jalva baḳhshī
koī sūrat na milī aap kī sūrat ke sivā

terī sūrat nigāhoñ meñ phirtī rahe ishq terā satā.e to maiñ kyā karūñ
koī itnā to aa kar batā de mujhe jab tirī yaad aa.e to maiñ kyā karūñ

kījiye husn-parastī magar is qaid ke saath
pyārī sūrat pe zarā pyaar na aane paa.e

tire tevar badalte hī zamāna ho gayā dushman
hilāl-e-īd bhī zāhir huā shamshīr kī sūrat

jise mil jaa.e ḳhāk-e-pāk-e-dasht-e-karbalā 'parvīñ'
palaT kar bhī na dekhe vo kabhī iksīr kī sūrat