Tags-Chehra

chashm-o-dil se chhupā.ūñ dard-e-nihāñ
rañg-e-sūrat ko kyā kare koī

pyaar karne se aar hai to kaho
achchhī sūrat ko kyā kare koī

tujh meñ jo baat chāhiye vo nahīñ
le ke sūrat ko kyā kare koī

har haal meñ bas pesh-e-nazar hai vahī sūrat
maiñ ne kabhī rū-e-shab-e-hijrāñ nahīñ dekhā

tah-e-dariyā paḌe rahnā thā maiñ ne bhī guhar-sūrat
thī mauj-e-tund ik jis ke sahāre se nikal aayā

tirī sūrat se hasīñ aur bhī mil jā.eñge
jis meñ sīrat bhī tirī ho vo kahāñ se lā.ūñ

sāl-hā-sāl kī is sūrat-e-hālāt ke ba.ad
ek insān uThā aisā ki jis ne baḌh kar

vaa.iz butoñ ke aage na furqāñ nikāliye
sūrat se un kī ma.anī-e-qur.āñ nikāliye

koī sūrat nahīñ magar us kā
kore kāġhaz pe naam baaqī hai

kahīñ vo sūrat-e-ḳhūbāñ huā hai
kahīñ vo āshiq-e-hairāñ huā hai

tirī yādoñ kī sūrat se nikaltī hai ajab sūrat
ujāle yuuñ baraste haiñ ki zulmat TuuT jaatī hai

tumhārā aa.ina ban kar jo dil pesh-e-nazar rahtā
tumhīñ tum jalva-gar hote na sūrat dūsrī hotī

vaqt kā patthar bhārī hotā jaatā hai
ham miTTī kī sūrat dete jaate haiñ

maiñ ḳhud pahuñchūñ ki mere qadmoñ meñ chalī aa.ī
ba-har-sūrat maiñ takmīl-e-irāda chāhtā huuñ

tirā ye ghar lagegā ḳhūbsūrat ai mire bhaa.ī
agar in saare rishtoñ ko salīqe se rakhā jaa.e

khulī fazāoñ meñ saañs lenā abas hai ab to ghuTan hai aisī
ki chāroñ jānib shajar khaḌe haiñ salīb-sūrat tamām likhnā

dil meñ khīñch ke us kī sūrat aaj to ḳhush ḳhush aa.e ho
kal se us meñ rañg bharoge kal se naqsh ubhāroge

faiz saaqī ne badal dī sūrat-e-dil aur hī
pahle paimāna thā paimāna se mai-ḳhāna huā

guzarnā hai ek rāste se havā kī sūrat
charāġh ko sogvār bhī dekhnā hai ik din

shaḳhsiyat-sāz mohabbat ne badal dī duniyā
ab vo sūrat kahāñ baaqī hai mukarne ke liye