Tags-Cigarette

cigarette ne ye ik paan ke biiḌe se kahā
tū hamesha se parī-rūoñ ke jhurmuT meñ rahā

paan kahne lagā cigarette se ki iblīs-e-laīñ
terī tambākū se jaatī hai badan meñ nicotine

bolā cigarette ki bashar shikva-kunāñ haiñ tere
dar-o-dīvār pe paīkoñ ke nishāñ haiñ tere

is pe cigarette ne kahā paan se ye kyā hai sitam
chhāñv meñ paltā hai aur tū hai baḌā sabz qadam

cigarette se jo sune paan ne ye talḳh suḳhan
bolā ḳhāmosh ki achchhā nahīñ hāsid kā chalan

cigarette kā ek lambā kash aur khāñsī
ghūñT ghūñT chaa.e

raat ne yādoñ kī māchis se nikālī tīliyāñ
aur ik cigarette sulgī uñgliyoñ meñ aa ga.ī

kamre meñ phailtā rahā cigarette kā dhuāñ
maiñ band khiḌkiyoñ kī taraf dekhtā rahā

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam

saarā ġhussa ab bas is kaam aatā hai
ham is se cigarette sulgāyā karte haiñ

mere hoñToñ pe kisī lams kī ḳhvāhish hai shadīd
aisā kuchh kar mujhe cigarette ko jalānā na paḌe

ab mā-hasal hayāt kā bas ye hai ai 'salām'
cigarette jalā.ī sher kahe shādmāñ hue

hameñ cigarette bhī to piinī thī nikal kar ghar se
apnī uñglī pe ye duniyā bhī nachānī thī hameñ

hammām ke ā.īne meñ shab Duub rahī thī
cigarette se na.e din kā dhuāñ phail rahā thā

log tinke adh-jale cigarette ke TukḌe
apnī duniyā raakh aur tinkoñ kā bartan hai

lekin ek khañDar meñ cigarette jaltā hai
bujhtā hai

is se bichhaḌ kar soch rahā huuñ us ko bhulāne kī tarkīb
log sharāb piyā karte haiñ maiñ cigarette tak piitā na.iiñ

ham do bande haiñ aur cigarette ek
ab ḳhabar hogī dostī kī dost

laboñ se niklī siskārī sī
cigarette ik sulgāyā

cigarette jise sulagtā huā koī chhoḌ de
us kā dhuāñ huuñ aur pareshāñ dhuāñ huuñ maiñ