Collections

Lab Shayari

Motivational Ghazals

Best Khamoshi Shayari

More Collections

Tags-Civilization

mere ahbāb ne tahzīb na sīkhī hogī
maiñ jahāñ huuñ vahāñ insān na rahte hoñge

madam

urdu jise kahte haiñ tahzīb kā chashma hai
vo shaḳhs mohazzab hai jis ko ye zabāñ aa.ī

urdu jise kahte hain tahzib ka chashma hai

har ik qadam banegī jo tahzīb kī misāl
vo zindagī kī tarz-e-adā chhoḌ jā.ūñgā

tarikiyon mein apni ziya chhoD jaunga

kidhar jaa.eñ tahzīb kī hijratoñ meñ
ye būḌhe daraḳht aur ye vīrān āñgan

purane mohalle ka sunsan aangan

ye tahzīb ko paañv chalnā sikhā.eñ
sameTe haiñ sadiyoñ ke imkān āñgan

purane mohalle ka sunsan aangan

apnī tahzīb hai aur apnī zabāñ hai urdu
apne ghar meñ magar afsos kahāñ hai urdu

urdu

Dhake tan bhī mile izzat bhī jis se
vo tahzīb-e-libāda kar rahā huuñ

ghamon se istifada kar raha hun

tahzīb kī jo ūñchī imārat hai Dhā na duuñ
jiine ke rakh-rakhāv se miltī nahīñ najāt

qatil sabhi the chal diye maqtal se raaton raat

zabāñ ma.atūb tahzīb-o-saqāfat daar kī zad meñ
ghar āñgan izzat-o-nāmūs kul talvār kī zad meñ

tah-e-KHanjar

samundar phir hilore legā tahzīb-o-tamaddun kā
zarā dekho to 'ājiz' shāmil-e-urdu-zabāñ kar ke

bahaaron se KHizan tak yunhi sair-e-gulistan kar ke

na.ī tahzīb kaise lucknow ko raas aa.egī
ujaḌ jā.egā ye shahr-e-ġhazālāñ ham na kahte the

zamin hogi kisi qatil ka daman hum na kahte the

ham se tahzīb kā dāman nahīñ chhoḌā jaatā
dasht-e-vahshat meñ bhī ādāb liye phirte haiñ

din mein bhi hasrat-e-mahtab liye phirte hain

ik na.ī tahzīb le kar aane vaalā hai junūñ
us ke istiqbāl meñ vīrān ho jaate haiñ ham

ishq mein kitne buland imkan ho jate hain hum

tahzīb ke rā.anā paikar se ye bār-e-amānat uTh na sakā
nāzūra-e-ahd-e-hāzir kī nāzuk thī kamar bal khā hī ga.ī

ek daman-e-rangin lahraya masti si faza mein chha hi gai

mujh se tahzīb-e-riyā-kār kī taz.īñ kyuuñ kī
nā-tarāshīda thā patthar mujhe rahne dete

husn ho ishq ka KHugar mujhe rahne dete

baḌhī hai raushnī tahzīb-e-nau kī
makāñ be-nūr hote jā rahe haiñ

nazar se dur hote ja rahe hain

kin lafzoñ meñ itnī kaḌvī itnī kasīlī baat likhūñ
sher kī maiñ tahzīb banā huuñ yā apne hālāt likhūñ

kin lafzon mein itni kaDwi itni kasili baat likhun

na.ī tahzīb meñ sab kuchh hai lekin
faqat insāniyat hī kī kamī hai

jahan gham hai na ab koi KHushi hai

tahzīb ke libās utar jā.eñge janāb
dollar meñ yuuñ nachā.egī ikkīsvīñ sadī

aahan mein Dhalti jaegi ikkiswin sadi

aam itnā rahā shohra-e-zar shor-e-sarā meñ
kaam aa.ī nahīñ narmī-e-tahzīb-o-nasab kuchh

ghar se hamein jaane ki zarurat nahin ab kuchh