Tags-Constitution

tifl-e-bārāñ tājdār-e-ḳhāk amīr-e-bostāñ
māhir-e-ā.īn-e-qudarat nāzim-e-bazm-e-jahāñ

maiñ jahāñ meñ kisī aa.iin kā pāband nahīñ
mere ghar aap hī qānūn Dhalā kartā hai

jis ne zardār-e-ma.īshat ko gavārā na kiyā
jis ko ā.īn-e-musāvāt pe isrār rahā

ā.īn-e-javāñ-mardāñ haq-goī o be-bākī
allāh ke sheroñ ko aatī nahīñ rūbāhī

jis ne zardār-e-ma.īshat ko gavārā na kiyā
jis ko ā.īn-e-musāvāt pe isrār rahā

'fazl' aa.iin mohabbat kā badalne ke liye
ahl-e-dil kis liye majbūr kiye jaate haiñ

ye pher mohabbat ke tauba ā.īn-e-jafā bhī aam nahīñ
qātil kī chhurī par ḳhuuñ to hai qātil pe magar ilzām nahīñ

ham apne chāk-e-dāman par bahut rusvā rahe 'haqqī'
nazar ā.īn-e-mahfil se shanāsā ho ga.ī āḳhir

jahāñ meñ chaar din rah kar faqat bū-e-vafā denā
guloñ se maiñ sabaq letā huuñ ā.īn-e-sohbat kā

merī daulat dekh kar kyuuñ tum ne ThanDī saañs lī
be-kasoñ par rasm-e-ā.īn-e-sitamgārī nahīñ

mudda.ī dil ishq ā.īn-o-adālat bazm-e-nāz
dīd-bāzī jurm mujrim aañkh hai jurmāna ham

ā.īn-e-pāsdārī-e-sahrā na chhuT sakā
vaz-e-junūñ agarche badalte rahe haiñ ham

is ke aa.iin nahīñ ab jo amal ke qābil
to ise kar do retire ki purānā hai samāj

saḳht dushvār hai pābandi-e-ā.īn-e-vafā
baat to jab hai tujhe maat na hone paa.e

kitnī dushvār hai pābandi-e-ā.īn-e-vafā
aah bhī lab pe agar aa.e to maarā jaa.e

haar hī jiit hai ā.īn-e-vafā kī rū se
ye vo baazī hai jahāñ jiit ke haare saare

aivān-e-farruḳhī kī tāmīr-e-nau mubārak
ā.īn-e-zindagī kī tadbīr-e-nau mubārak

abhī to husn ke pairoñ pe hai jabr-e-hinā-bandī
abhī hai ishq par ā.īn-e-farsūda kī pābandī

na hote shaad ā.īn-e-gulistāñ dekhne vaale
fasāna bhī agar paḌh lete unvāñ dekhne vaale

ahl-e-junūñ ḳhuub haiñ vāqif-e-ā.īn-e-shauq
dil pe magar iḳhtiyār dekhiye kab tak rahe