Tags-Crime

jurm-e-be-bāk-goī kī pādāsh meñ zahr 'iqbāl' ko talḳhiyoñ kā milā
us ne is zahr ko hī suḳhan kar liyā is zamāne meñ ab aur kyā chāhiye

sachchā.ī mirā jurm hai aur kār-e-vafā bhī
munsif hai to ye bhī mirī ta.azīr meñ likh de

ham jurm-e-mohabbat kī sazā pā.eñge tanhā
jo tujh se huī ho vo ḳhatā saath liye jā

maiñ jurm kā e'tirāf kar ke
kuchh aur hai jo chhupā gayā huuñ

dil ke muāmale meñ natīje kī fikr kyā
aage hai ishq jurm-o-sazā ke maqām se

daar par khīñchte haiñ 'aḳhtar' ko
jurm ye hai ki jī rahā hai abhī

naam badnām ho chukā hazrat
kījiye ab to jurm kā iqrār

ham us se ishq kā iz.hār kar ke dekhte haiñ
kiyā hai jurm to iqrār kar ke dekhte haiñ

mujhe is jurm meñ andhā kiyā hai
ki bīnā.ī se baḌh kar dekhtā huuñ

haiñ saare jurm jab apne hisāb meñ likhnā
savāl ye hai ki phir kyā javāb meñ likhnā

jurm terā na sahī merī sazā ḳhuub sahī
ā.ina-ḳhāna-e-hastī kī adā ḳhuub sahī

aksar pakḌe jaate haiñ
pahlā jurm aur pahlā ḳhvāb

sad-hādsāt-e-ḳhām haiñ ibrat-nigāh meñ
tārīḳh-sāz jurm-o-sazā se alag-thalag

ham jurm-e-mohabbat kī sazā pā.eñge tanhā
jo tujh se huī ho vo ḳhatā saath liye jā

ab is se tark-e-ta.alluq ke ba.ad kyā milnā
ye jurm vo hai jo nā-qābil-e-talāfi hai

arsa-e-hashr meñ rusvā.ī yaqīnī thī magar
terī rahmat ne har ik jurm chhupā rakkhā hai

ham ko tulū-e-sub.h-e-bahārāñ kī thī talāsh
is jurm kī sazā hai ye zanjīr-e-pā hameñ

baḌī izzat se ahl-e-jurm merā naam lete haiñ
gunahgāroñ ko ik din kah diyā thā pārsā maiñ ne

gulshan gulshan sho.ala-e-gul kī zulf-e-sabā kī baat chalī
harf-e-junūñ kī bañd-e-girāñ kī jurm-o-sazā kī baat chalī

le aa.ī thī zindāñ meñ shahīdoñ kī mohabbat
lekin sabab-e-jurm-o-sazā aur bhī niklā