Tags-Crime

mirī bad-zanī pe ye ranjisheñ to kisī bhī taur bajā nahīñ
ki jahān-e-ishq meñ bad-zanī to huzūr jurm-o-ḳhatā nahīñ

ma.alūm hai mujhe ki baḌā jurm hai ye kaam
maiñ ḳhvāb dekhtā huuñ mujhe maar dījiye

jurm 'goyā' ke baḳhshvā denā
yā-mohammad faqīr terā hai

sar-e-bazm haiñ yahī tazkire ki burā huuñ maiñ
mirā jurm hai ki maiñ bevafā nahīñ ho sakā

likhā hī nahīñ jurm mire naam ke aage
huuñ pā ke bahut ḳhush maiñ sazā aur kisī kī

qadam qadam pe donoñ jurm-e-ishq meñ sharīk haiñ
nazar ko be-ḳhatā kahūñ ki dil ko be-ḳhatā kahūñ

sach to ye hai kahā gar jurm na sābit hotā
ham ne ḳhud maañg ke jiine kī sazā lī hotī

kis ehsās-e-jurm kī sab karte haiñ tavaqqo
ik kirdār kiyā thā jis meñ qātil thā maiñ

ehsās-e-jurm jaan kā dushman hai 'ja.afarī'
hai jism taar taar sazā ke baġhair bhī

hamārā jurm to yaksāñ thā par giraft ke ba.ad
vo shaḳhs ho ke na ho maiñ to imtihān meñ thā

lazzat-e-dard milī jurm-e-mohabbat meñ use
vo sazā paa.ī hai dal ne ki ḳhatā jhuum uThī

dīvār-e-zindāñ ke pīchhe
jurm-e-mohabbat meñ baiThā huuñ

ik jurm aur fard-e-jarā.em meñ baḌh gayā
ya.anī na dard-e-dil kā ho iz.hār āj-kal

sitam-zarīf mohabbat ko jurm kahte haiñ
gunāh-gār ko jiine kā aasrā to milā

pahle sābit hotā hai us se malne kā jurm
aur phir mujh pe yādoñ kā jurmāna hotā hai

jurm-e-guzishta afv kun o mājrā mapurs
maarā huā huuñ is dil-e-be-iḳhtiyār kā

mudda.ī dil ishq ā.īn-o-adālat bazm-e-nāz
dīd-bāzī jurm mujrim aañkh hai jurmāna ham

bin koī jurm kiye pahle sazā dete haiñ
phir vahī log rihā.ī kī duā dete haiñ

jurm-e-ummīd kī sazā hī de
mere haq meñ bhī kuchh sunā hī de

zindagī se baḌī sazā hī nahīñ
aur kyā jurm hai patā hī nahīñ