Tags-Crime

isī liye hameñ ehsās-e-jurm hai shāyad
abhī hamārī mohabbat na.ī na.ī hai nā

mohabbatoñ ko bhī us ne ḳhatā qarār diyā
magar ye jurm hameñ baar baar karnā hai

hai ziist agar jurm to ai munsif-e-ālam
jurm aur tarah kā hai sazā aur tarah kī

jī bhar ke dekh luuñ to kar is jurm par shahīd
yuuñ apne sar pe ḳhuun na le be-gunāh kā

nahīñ huuñ maslahat-andesh haq-bayānī meñ
yahī hai jurm sazā jis kī pā rahā huuñ maiñ

yaar hai ḳhanjar-ba-kaf aur jāñ-nisāroñ kā hujūm
haa.e ye kis jurm meñ ḳhalq-e-ḳhudā pakḌī ga.ī

jurm vo karne kā sochā hai ki bas ab kī baar
koī ilzām mire sar nahīñ rahne vaalā

pyaar karne bhī na paayā thā ki rusvā.ī milī
jurm se pahle hī mujh ko sañg-e-ḳhamyāza lagā

kyā ḳhabar thī ai amīr-e-shahr tere daur meñ
saañs lenā jurm jiinā hādsa ho jā.egā

ijz-e-vafā bhī jurm hai shāyad
shahr-badar ho jaa.eñ bekas

is zamāne se koī tavaqqo na rakh kis meñ himmat hai ḳhanjar pe rakh de zabāñ
adl-gāhoñ meñ insāf bikne lagā sach bhī kahnā hai jurm aadmī ke liye

shādāb daraḳhtoñ ke bhī saa.e haiñ gurezāñ
ik jurm huī merī ġharīb-ul-vatanī bhī

Dasne lagī haiñ ham ko zamāne kī raunaqeñ
ham jurm-e-āshiqī ke sazā-vār kyā hue

sabab-e-qatl-e-mohabbat hai agar ai zālim
to mirā jurm kisī ko na batānā hargiz

chalo ye maan liyā mujrim-e-mohabbat haiñ
hamāre jurm kā ham se bayāñ suno to sahī

ḳhud e'tirāf-e-jurm kiyā ham ne ai 'mushīr'
lekin shikast-e-husn gavārā na kar sake

maiñ ki 'nāmī' pāsdār-e-fikr-nau
jurm-hā-e-guftanī merī taraf

log samjhe apnī sachchā.ī kī ḳhātir jaan dī
varna ham to jurm kā iqrār karne aa.e the

dil ke muāmale meñ natīje kī fikr kyā
aage hai ishq jurm-o-sazā ke maqām se