Tags-Crime

hai us kā maujib-e-tāmīr koī jurm zarūr
jo sab se ūñchā nayā ghar dikhā.ī detā hai

kitnī hī be-qusūr nasloñ ne
in ko paḌhne ke jurm meñ tā-umr

hai jurm mohabbat to sazā kyuuñ nahīñ dete
yaaro hameñ ik roz miTā kyuuñ nahīñ dete

badan kī aag ko oḌhā hai chādaroñ kī tarah
milī hai ḳhuub mire jurm kī sazā mujh ko

kabhī is jurm pe sar kaaT diye jaate the
ab to in.aam diyā jaatā hai ġhaddārī par

muñh rāh-e-najd-e-shauq se moḌā nahīñ abhī
haañ jurm-e-ḳhastagī ke ḳhatāvār ham bhī haiñ

duniyā se aaj jazb-e-vafā māñgtā huuñ maiñ
ye jurm hai agar to sazā māñgtā huuñ maiñ

kuchh kahnā jurm hai to ḳhatā-vār maiñ bhī huuñ
ye aur baat merā kahā vo samajh na paa.e

dīda-e-tar se bhī sarzad huā ik jurm-e-azīm
hashr meñ nāma-e-a.amāl ko dhonā chāhā

vafā kā zikr hī kyā hai jafā bhī raas aa.e
vo muskurā.e to jurm-e-ḳhatā bhī raas aa.e

kiyā hai be-jurm qatl mujh ko hujūm-e-aġhyār-o-āshnā meñ
aur is pe dekho DhiTā.ī ashkoñ se dāman apnā bhigo rahe haiñ

ānvā-e-jurm mere phir be-shumār-o-be-had
roz-e-hisāb leñge mujh se hisāb kyā kyā

maiñ mo'tarif-e-jurm huuñ jo chāho sazā do
ilzām-e-tamannā koī ilzām nahīñ hai

zindagī de ke musībat meñ hameñ Daal diyā
koī yuuñ bhī kahīñ be-jurm sazā detā hai

zaḳhm-e-dil jurm nahīñ toḌ bhī de mohr-e-sukūt
jo tujhe jānte haiñ un se chhupātā kyā hai

ma.asūmiyoñ ke jurm meñ badnām bhī hue
tere tufail morid-e-ilzām bhī hue

garche jurm-e-ishq ġhairoñ par bhī sābit thā vale
qatl karnā thā hameñ ham hī gunahgāroñ meñ the

tumheñ ma.alūm hai
ham sab sharīk-e-jurm haiñ

koī zaarī sunī nahīñ jaatī koī jurm muaaf nahīñ hotā
is dhartī par is chhat ke tale koī tere ḳhilāf nahīñ hotā

na jurm us kā hai sābit na kuchh mirī taqsīr
ḳhudā hī jaane ki ranjish kā kyā huā baa.is