Tags-Crime

koī zaarī sunī nahīñ jaatī koī jurm muaaf nahīñ hotā
is dhartī par is chhat ke tale koī tere ḳhilāf nahīñ hotā

apnī marzī se yahāñ din kāTne ke jurm meñ
maiñ agar duniyā meñ tanhā ho gayā to ho gayā

ġhaddārī-e-ulfat to nahīñ hai mirā sheva
is jurm ke hī ḳhyāl se ma.asūm rahā huuñ

ham jurm-e-mohabbat kī sazā pā.eñge tanhā
jo tujh se huī ho vo ḳhatā saath liye jā

huā huuñ jur.at-e-jurm-e-vafā se bhī mahrūm
sazā ye dī ki ḳhatā merī baḳhsh dī us ne

guzishta ahd meñ bhī jurm thā ye kār-e-haq-goī
hamārī nasl ko bhī ye ba-sad uftād karnā hai

jurm-e-ādam tirī pādāsh thī duniyā saarī
āḳhirash har koī haq-dār-e-muāfī Thahrā

jab ghaḌī aatī hai insāf kī dhīre dhīre
jurm aa kar sabhī haqdār se lag jaate haiñ

dil se zauq-e-jurm-e-mehnat kah rahā hai baar baar
ātish-e-ehsās ke sho.aloñ se bhī kuchh der taap

naam badnām ho chukā hazrat
kījiye ab to jurm kā iqrār

kitnā hasīñ thā jurm-e-ġham-e-dil ki do-jahāñ
dar pe haiñ aaj tak mire rañg-e-qubūl ke

jurm sābit na ho to jurm nahīñ
qatl karte raho nigāhoñ se

jurm nahīñ hai sachchā.ī to bejā kyuuñ ma.atūb hue
sachchā.ī kā duniyā meñ parcham lahrāne vaale haath

yaañ had se qadam bāhar rakhne koī paayā hai
is jurm meñ sar leñ haiñ tāvān mirā sāhab

apnī nafī to falsafī-jī qatl-e-nafs hai
kahiye koī ye jurm sujhā.e to kyā karūñ

ai jurm-e-ishq tere gunahgār kyā hue
ai dost tere hijr ke bīmār kyā hue

apne jurm-e-siyah yaad aa.e
terī ḳhū-e-amāñ yaad aa.ī

nigah bhī jurm kabhī jurm-e-be-nigāhī bhī
kisī usuul pe vo jalva-gāh-e-nāz nahīñ

vo auj huuñ jo ḳhalal hai nizām-e-pastī kā
vo jurm huuñ jo sar-e-dār kī talāsh meñ hai