Collections

Lab Shayari

Motivational Ghazals

Best Khamoshi Shayari

More Collections

Tags-Crime

ye ek pal kī vafā muddatoñ kā ronā hai
zarā se jurm kī itnī sazā ziyāda hai

mere suKHan mein tabhi falsafa ziyaada hai

dil ke muāmle meñ natīje kī fikr kyā
aage hai ishq jurm-o-sazā ke maqām se

sharma ke yun na dekh ada ke maqam se

tirī banā.ī huī fard-e-jurm kahtī hai
ki jaise maiñ hī yahāñ har ḳhatā ke pīchhe huuñ

samajh raha hai zamana riya ke pichhe hun

mauqūf jurm hī pe karam kā zuhūr thā
bande agar qusūr na karte qusūr thā

mauquf jurm hi pe karam ka zuhur tha

'asġhar' harīm-e-ishq meñ hastī hī jurm hai
rakhnā kabhī na paañv yahāñ sar liye hue

asrar-e-ishq hai dil-e-muztar liye hue

kahtā hai yaar jurm kī paate ho tum sazā
insāf agar nahīñ hai to be-dād bhī nahīñ

kahta hai yar jurm ki pate ho tum saza

sazā baġhair adālat se maiñ nahīñ aayā
ki baaz jurm-e-sadāqat se maiñ nahīñ aayā

saza baghair adalat se main nahin aaya

vaa.iz ab bhī jurm hai kyā mai-kashī
chāñdnī hai aur shab-e-ādīna hai

ishq jo mearaj ka ek zina hai

dil kā ye haal ki dhaḌke hī chalā jaatā hai
aisā lagtā hai koī jurm huā hai mujh se

log kahte hain ki tu ab bhi KHafa hai mujhse

jurm-e-vafā se andalīb-e-gul kī nazar meñ thī zalīl
kāñToñ ke bhī nigāh meñ honā paḌegā ḳhvār kyā

dard-e-gham-e-firaq se aankhen hain ashk-bar kya

jurm ġhurbat pe jā ke lagtā hai
vaise bantī hai is nizām kī daad

hasil-e-fan hai bas kalam ki dad

is baat par karūñgā maiñ din raat ehtijāj
kis jurm meñ ye ḳhaak kā bistar milā mujhe

uski gali mein zarf se baDh kar mila mujhe

ye jurm-e-mohabbat nahīñ vaa.iz kā muqaddar
ye bār-e-gunāh ham se gunahgār uThā.eñ

kyun qatl ke arman mein aazar uThaen

ne kuchh gunah hai dil kā ne jurm-e-chashm is meñ
rakhtī hai ham ko itnā be-iḳhtiyār ḳhvāhish

kya kahiye kya rakkhen hain hum tujhse yar KHwahish

chāhne vaalā tirā ik maiñ hī to tanhā nahīñ
shukr hai is jurm-e-ulfat meñ haiñ shāmil aur bhī

aa idhar aa hausla gar kuchh hai qatil aur bhi

itne se jurm par to na mujh ko tabāh rakh
thoḌī sī mujh meñ terī shabāhat hai aur bas

itni si is jahan ki haqiqat hai aur bas

aap ke qasr kī jānib koī dekhe tauba
jurm sābit ho to chun dījiye dīvāroñ meñ

meri qismat ki wo ab hain mere gham-KHwaron mein

adam-subūt-o-shahādat meñ hoñ barī to 'vaqār'
ham apne jurm kā iqbāl karnā chāhte haiñ

jo sochte rahe wo kar guzarna chahte hain

ye zindagī ki maut bhī hai jis pe nauha-ḳhvāñ
kis jurm kī na jaane milī hai sazā mujhe

tanhaiyon ke dasht mein akasr mila mujhe

jurm ye hai ki in andhoñ meñ huuñ āñkhoñ vaalā
aur sazā ye hai ki sardār samajhte haiñ mujhe

yar bhi rah ki diwar samajhte hain mujhe