Collections

Lab Shayari

Motivational Ghazals

Best Khamoshi Shayari

More Collections

Tags-Crime

jaane kis jurm kī paa.ī hai sazā pairoñ ne
ik safar ḳhatm pe hai aglā safar aa gayā hai

dard ki shaKH pe ek taza samar aa gaya hai

mere jurm-e-sāda par tishnagī bhī hañstī hai
ek ghūñT paanī par maiñ huuñ chor dariyā kā

aaj to nahin milta or-chhor dariya ka

zulm ko bardāsht karnā jurm hai
zālimāna fe.al kā dam toḌ de

makr-o-ayyari ka daman chhoD de

ham aise riñd pas-e-marg bhī vahāñ jaate
na piinā jurm ho hukaman jahāñ piyā karte

agar na dard se is dil ko aashna karte

ham to ab jaatī ruteñ haiñ ham se ye iġhmāz kyuuñ
jurm kyā ham ne kiyā hai aap haiñ nārāz kyuuñ

hum to ab jati ruten hain humse ye ighmaz kyun

ham meñ hī ālam-e-akbar hue go jurm-e-saġhīr
maz.har-e-jalva-e-haq hazrat-e-insāñ haiñ ham

hum mein hi aalam-e-akbar hue go jurm-e-saghir

phañsne vaalā thā phañsā aa ke tirī zulfoñ meñ dil
ba-ḳhudā is meñ nahīñ jurm sar-e-mū apnā

kis pe qabu jo tujhi pe nahin qabu apna

ik mauj-e-ḳhūn-e-ḳhalq thī kis kī jabīñ pe thī
ik tauq-e-fard-e-jurm thā kis ke gale meñ thā

kya kya nazar ko shauq-e-hawas dekhne mein tha

merā sar hāzir hai lekin merā munsif dekh le
kar rahā hai merī fard-e-jurm ko tahrīr kaun

pa-ba-gil sab hain rihai ki kare tadbir kaun

maiñ sochtī huuñ ki phir jurm kis ke sar jaa.e
sabhī subūt use be-gunāh karte haiñ

kahan wo dard mein mahsus aah karte hain

mohtasib jurm mirā dekh ke ḳhāmosh rahā
ḳhud ḳhatā-kār thā ahkām-e-sazā kyā kartā

sufi-e-shahr mere haq mein dua kya karta

maiñ karne vaalā huuñ har ḳhair-ḳhvāh ko māyūs
abhī maiñ jurm kā iqrār karne vaalā huuñ

zaban ko apni gunahgar karne wala hun

pā.ūñgī jurm-e-mohabbat kī anokhī sī sazā
vaqt ke hoñToñ pe maiñ ik an-kahī rah jā.ūñgī

Khaali hathon mein mohabbat banTti rah jaungi

banā huā huuñ maiñ mujrim baġhair jurm kiye
ab aur kyā mirā munsif mujhe sazā degā

mere nuqush tere zehn se miTa dega

isī liye hameñ ehsās-e-jurm hai shāyad
abhī hamārī mohabbat na.ī na.ī hai nā

isi liye hamein ehsas-e-jurm hai shayad

jurm-e-hastī kī sazā kyuuñ nahīñ dete mujh ko
log jiine kī duā kyuuñ nahīñ dete mujh ko

jurm-e-hasti ki saza kyun nahin dete mujhko

kabhī bhulāyā nahīñ yaad bhī kiyā nahīñ hai
ye kaisā jurm hai jis meñ koī sazā nahīñ hai

kabhi bhulaya nahin yaad bhi kiya nahin hai

ulfat kā jurm be-shak sarzad huā hai ham se
is ko saġhīra samjho chāhe ise kabīrā

milte nahin ho humse ye kya hua watira

samjhe the ham jo dost tujhe ai miyāñ ġhalat
terā nahīñ hai jurm hamārā gumāñ ġhalat

samjhe the hum jo dost tujhe ai miyan ghalat

thā terā ishārā ki na thā maiñ ne diyā dil
aur apne hī sar jurm kā ilzām liyā hai

nalon se agar maine kabhi kaam liya hai