Tags-Cruelty

zulm dhāte haiñ ahinsā ke pujārī kyā kyā

jab zulm ke tūfāñ umḌe haiñ jab yaas ke bādal chhā.e haiñ
duniyā ko diyā hai azm-e-javāñ tārīḳh ko ham ne moḌ diye

zulm ye hai ki yahāñ biktā hai yūsuf be-dām
aur nahīñ jāntā bāzār se aage kyā hai

kuchh us taraf bhī josh-e-jafā hai nayā nayā
kuchh zulm apnī shaan ke shāyāñ bhī chāhiye

zulm hai qahr hai qayāmat hai
ġhusse meñ us ke zer-e-lab kī baat

zulm mansab sabhī kā tū ho ki maiñ
luuñ yahāñ haqq-e-ḳhūñ-bahā kaisā

zulm hī ahmaqoñ kī muñh-zorī
tañg ye be-lagām karte haiñ

zulm se tere dil mirā khaT khaT
paara paara huā jigar phaT phaT

zulm ko us ne zulm kahā hai jabr ko us ne jabr kahā
ya.anī 'ziyā' ab 'ziyā' nahīñ hai vaqt kā vo mansūr huā

kis qadar zulm hai hālāt kā 'nūrī' sāhab
aap dhokā mujhe deñ aur maiñ dhokā na kahūñ

sūraj kā zulm sar ko jhulastā rahā magar
din dhuup ke athāh samundar ko Dho gayā

zamīñ pe zulm bahut hai ḳhudā se kah dete
guzar hamārā agar hotā āsmānoñ meñ

mohabbat ke hāthoñ hue zulm kyā kyā
ga.e jaan se naujavāñ kaise kaise

ajnabī mulkoñ ajnabī logoñ meñ aa kar ma.alūm huā
dekhnā saare zulm vatan meñ lekin hijrat mat karnā

chup rah kar maiñ jī luuñ zulm kī nagrī meñ
yā maiñ harf sajā luuñ lab par tere naam

ahd meñ mere shāh-e-ḳhūbāñ ke
sitam-o-zulm kā rivāj nahīñ

aur bhī un ne 'bayāñ' zulm kuchh afzūd kiyā
kiyā us shoḳh se tiiñ ishq kā iz.hār abas

haath uThā sakte the mere bhī baġhāvat kā alam
maiñ ne har zulm ke ḳhāne maiñ muāfī likkhā

kyā zulm hai ki shahr meñ rahne ko ghar nahīñ
jañgal meñ peḌ peḌ pe thā ghar banā huā

kise ḳhabar thī tire zulm ke liye allāh
mujhī ko roz-e-azal intiḳhāb kar degā