Tags-Dard

pyaas bhī ek samundar hai samundar kī tarah
jis meñ har dard kī dhaar

jaane ye dil kā dard kahāñ tak satā.egā
dariyā chaḌhe to us ko utar jaanā chāhiye

vo nāznīñ ye nazākat meñ kuchh yagāna huā
jo pahnī phūloñ kī baddhī to dard-e-shāna huā

dard musāfir Thahar gayā thā akhiyoñ kī hairānī meñ
sirf mohabbat bahtī thī aur saath ye ashk ravānī meñ

dard kī shiddat aur baḌhī thī shahr-e-vafā kī shāmoñ meñ
aur vīrānī baiTh ga.ī thī in akhiyoñ ke paanī meñ

dard ke maare hue log the ḳhvāboñ ke qarīb
kaise nādīda zamānoñ kā safar ham ne kiyā

dard chīḳh uThtā hai siine meñ koī
zaḳhm jaise ki lahū meñ gum hai

yaad aa.e to khileñ phuul chale purvā.ī
dard jaage to tirā aks tah-e-jām utre

zarf hai kis meñ ki vo saarā jahāñ le kar chale
ham to duniyā se faqat ik dard-e-jāñ le kar chale

merā zimma agar davā na bane
dard ko be-panāh hone do

sharīk-e-dard nahīñ jab koī to ai 'shaukat'
ḳhud apnī zaat kī bechārgī ġhanīmat hai

behad ḳhushī hai, aur hai be-intihā sukūn
ab dard hai, na ġham, na gila hai, ye ishq hai

sā.at-e-dard ki be-chehra o be-nām rahī
qatra-e-ashk ki mahfūz guhar karnā thā

chand bāteñ vo jo ham rindoñ meñ thiiñ zarbul-masal
ab sunā mirzā ki dard-e-ahl-e-irfāñ ho ga.iiñ

yā barastī dhuup meñ tapte sulagte din mile
yā ridā-e-dard meñ lipTī huī rāteñ milīñ

dil jab se dard-e-ishq ke qābil nahīñ rahā
ik nāgavār chiiz hai ab dil nahīñ rahā

rishta-e-dard kī mīrās milī hai ham ko
ham tire naam pe jiine kī ḳhatā karte haiñ

mire haal pe chhoḌ tabīb mujhe ki azaab hai mirī ziist mujhe
merā marnā hī mere liye hai shifā mere dard kī koī davā hī nahīñ

shajar-e-dard kī har shāḳh hai kashkol-numā
sar-kashīda hai magar baaġh kā buuTā buuTā

mehnat-o-dard-o-ranj-o-ġham aur alam ye raat din
karte haiñ mujh ko ḳhvār-o-zār ek do tiin chaar pāñch