Tags-Dard

dard kā mausam phir se lauTā hai shāyad
āñkhoñ ke dariyā par ḳhuub ravānī hai

din guzartā hai kahāñ raat kahāñ hotī hai
dard ke māroñ se ab baat kahāñ hotī hai

kal raat ko us shoḳh kī jā kar pas-e-dīvār
ik dard-e-farāham ne jo buniyād kī fariyād

fursat meñ ik nafas ke kyā dard-e-dil sunoge
aa.e to tum va-lekin vaqt-e-aḳhīr aa.e

roz hai dard-e-mohabbat kā nirālā andāz
roz dil meñ tirī tasvīr badal jaatī hai

aañsū meñ Dhal ke zer-e-lahad kho gayā kahīñ
yā dard ban ke dil se baġhal-gīr ho gayā

na vo dard hai na vo rañj hai na hujūm zulmat-e-shām hai
mire ḳhushk hoñToñ pe yak-ba-yak jo chamak uThā tirā naam hai

burā na maan 'ziyā' us kī sāf-goī kā
jo dard-mand bhī hai aur be-adab bhī nahīñ

jis kā dard baTāogo
us se rañj uThāoge

hijr meñ nāla-o-fariyād se baaz aa 'rusvā'
aisī bātoñ se vo bedard ḳhafā hotā hai

naala ruktā hai to sar-garm-e-jafā hotā hai
dard thamtā hai to be-dard ḳhafā hotā hai

ham sah rahe haiñ apne azīzoñ ke dard-o-ġham
aayā jo dast-o-pā liye be-dast-o-pā huā

vo marāsim baḌhā ke chhoḌ gayā
dard hotā hai jāvedānī bhī

kaun hamāre dard ko samjhā kis ne ġham meñ saath diyā
kahne ko to saath hamāre tum kyā ek zamāna thā

baḌā gila hai dil-e-ġham-parast ko tum se
vo dard us ko diyā hai jo lā-davā bhī nahīñ

yuuñ jīvan ras kab detā hai phir se apne zaḳhm kuredo
tum ne āḳhir kyā sochā thā dard se kyuuñ sannyās liyā thā

āñkhoñ se Tapke os to jaañ meñ namī rahe
mahke umiid dard kī khetī harī rahe

tum ne ḳhud hī sar chaḌhā.ī thī so ab chakkho mazā
maiñ na kahtā thā ki duniyā dard-e-sar ho jā.egī

dard-e-dil hī barāt hai shāyad
husn kī ye zakāt hai shāyad

hayāt-e-chand-nafas meñ kashākash-e-paiham
rahī hai utnī ki dard-e-nihāñ ko bhuul ga.e