Tags-Dard

us kī yaad aur dard kī sauġhāt mere saath thī
us se baḌh kar ek tanhā raat mere saath thī

bhar aatā hai dil-e-mahrūm-e-pursish dard-mandī se
kahīñ bhī jab kisī dard-āshnā kī baat hotī hai

go dard ke iz.hār kī aadat to nahīñ thī
piinā hī paḌā ham ko ye zahr-āb ġhazal meñ

jis se ḳhalish-e-dard kā āġhāz huā hai
raqsāñ hai vahī paikar-e-sīmāb ġhazal meñ

vo gahre gahre sabhī zaḳhm bhar ga.e jab se
nayā sā dard lage hai sahā huā sā kuchh

aap hī ne dard-e-dil baḳhshā hameñ
aap hī is kā mudāvā kījiye

na davā-e-dard-e-jigar huuñ maiñ na kisī kī mīThī nazar huuñ maiñ
na idhar huuñ maiñ na udhar huuñ maiñ na shakeb huuñ na qarār huuñ

hazrat-e-nāseh ne kahī baat jo
ham-asar-e-dard-e-jigar ho ga.ī

rakhtī hai merī tab-e-ravāñ bāb-e-harf meñ
ye mustaqil jo dard kī mahmez mujh meñ hai

kaasa hai ek fikr se mujh meñ bharā huā
aur ik piyāla dard se lab-rez mujh meñ hai

ġham se bahal rahe haiñ aap aap bahut ajiib haiñ
dard meñ Dhal rahe haiñ aap aap bahut ajiib haiñ

bārhā ye hameñ mahsūs huā
dard siine kā ḳhudā ho jaise

sher mere bhī haiñ pur-dard va-lekin 'hasrat'
'mīr' kā sheva-e-guftār kahāñ se lā.ūñ

'bedār' ye bait-e-dard ro ro
furqat meñ tirī paḌhā karegā

vo bārgāh-e-husn adab kā maqām hai
juz dard o ishtiyāq taqāzā na chāhiye

natīja dekh ke maanā mire masīhā ne
kuchh aur dard thā merā huī davā kuchh aur

vo barush aur maiñ rotā huuñ qalam se apne
dard to ek haiñ donoñ ke zabāñ aur sahī

hasrateñ dāġh-o-dard-o-rañj-o-alam
dil ke dāman meñ kyā nahīñ miltā

log milte haiñ phir bichhaḌte haiñ
koī dard-āshnā nahīñ miltā

safar is dil se kar ga.e ġham-o-dard
yaar suunā makān chhoḌ ga.e