Tags-Dariya

raat apne dīda-e-giryāñ kā nazzāra kiyā
kis se pūchheñ ḳhvāb meñ kaisā hai dariyā dekhnā

ḳhūn-e-jigar se qaul rahā ye mere ashk-e-chashm-e-tar kā
chaḌhtā dariyā bahtā dariyā maiñ hī maiñ huuñ tū hī tū hai

'mullā' ko zor-e-tab.a huā faisloñ kī nazr
dariyā abhī vahī hai dahāna badal gayā

zarā sā josh kyā dariyā meñ aayā
samundar kī burā.ī kar rahā hai

soch lo pahle hamāre haath meñ phir haath do
ishq vāloñ ke liye haiñ aag ke dariyā bahut

phir kis ke kaam aa.egī merī shanāvarī
dariyā meñ kuchh na hogā jo girdāb ke sivā

ishq dariyā hai girāñ-bār na jaane koī
bahte paanī ko gunahgār na jaane koī

garche qatra thā magar dariyā meñ milne ke sivā
mauj ban kar sat.h par dariyā kī lahrātā huuñ maiñ

maiñ dariyā ho bhī jā.ūñgā to kyā hogā
mujhe ma.alūm hai jab tishnagī us kī

siikh dariyā se koh-paimā.ī
koī kyuuñ rāste se haT jaa.e

dikhā ke ek jhalak chāñd ho gayā ojhal
chaḌhā na thā ki ye dariyā utar gayā kaisā

hameñ lapaktī havā par savār le aa.ī
koī to mauj thī dariyā ke paar le aa.ī

sabr kī baat baḌī shukr ke dariyā gahre
lekin un se guzar auqāt nahīñ kar paate

umr-bhar un ke muqaddar meñ haiñ sūkhe dariyā
apnī koshish se jo barsāt nahīñ kar paate

dosh dete rahe be-kār hī tuġhyānī ko
ham ne samjhā nahīñ dariyā kī pareshānī ko

jis qadar zabt kiyā aur bhī ronā aayā
ye tabī.at nahīñ aa.ī koī dariyā aayā

ātish-e-hijr meñ dil sulagtā rahā
ruḳh pe kitne hī dariyā ravāñ mil ga.e

tujh se sīkhe koī rone kā salīqa ai abr
kahīñ qatra na girānā kahīñ dariyā ronā

bārish thī aur abr thā dariyā thā aur bas
jaagī to mere sāmne sahrā thā aur bas

āb-e-bārāñ se gir na paa.e madad
ḳhaak paḌ jaa.e chashm-e-dariyā meñ