Tags-Dariya

aaj dariyā meñ ajab shor ajab halchal hai
kis kī kashtī ne qadam āb-e-ravāñ par rakkhā

sūraj ke ird-gird bhaTakne se fā.eda
dariyā huā hai gum to samundar talāsh kar

tū ki dariyā hai magar merī tarah pyāsā hai
maiñ tere paas chalā ā.ūñgā bādal kī tarah

tum raushan kar rakkho jitne hijr alaav mumkin hoñ
maiñ ne bhī apnī āñkhoñ ke pīchhe dariyā rakkhā hai

mohr ban kar jo maiñ ik roz bhī ubhrā hotā
barf kī tarah hai jo shaḳhs vo dariyā hotā

na maiñ dariyā na mujh meñ zo.am koī be-karānī kā
ki maiñ huuñ bulbule kī shakl meñ ehsās paanī kā

vaqt phailātā hai dāman apnā
aag kā dariyā ravāñ hotā hai

ik musht-e-ḳhāk aag kā dariyā lahū kī lahr
kyā kyā rivāyateñ haiñ yahāñ aadmī ke saath

jo log chale haiñ ruk ruk kar hamvār zamīñ par jhuk jhuk kar
vo kaise batā.eñge tum ko dariyā kī ravānī kaam kī hai

tūfān hai josh-e-tishna-kāmī
dariyā bhī to kar gayā kinārā

chaḌhī nadī ko maiñ pāyāb kar ke kyā aayā
tamām shahr hī dariyā ke paar karne lagā

dāman-e-bād ko hai daulat-e-shabnam kaafī
ruuh ko zikr-e-tunuk-baḳhshi-e-dariyā na sunā

meñ dariyā se bhī Dartā huuñ
tum dariyā se bhī gahre ho

tishnagī hī tishnagī thī aur sahrā ke sarāb
aañkh paanī par thī lekin sāmne dariyā na thā

aaj phir mujh se kahā dariyā ne
kyā irāda hai bahā le jā.ūñ

vo to dariyā utar gayā varna
jaane bastī pe kyā banī hotī

pī ga.iiñ kitne samundar sadiyāñ
ab bhī dariyā hī amar lagte haiñ

ik barf kā dariyā andar thā
dahkā huā sūraj sar par thā

lipTe jaate haiñ kināroñ se bhī
aur dariyā pe bhī da.avā apnā

taḌaptā tilmilātā rahtā huuñ dariyā kī mānind
paḌī hai zarb ehsāsāt par kaarī sī koī