Tags-Death

jab chādar sar se oḌhī hai
maut sirhāne par dekhī hai

khel khelā thā umr kā lekin
maut jiitī hayāt haarī hai

zindagī kis shajar kā saaya hai
maut kis dasht kī masāfat hai

maut hī chāra-sāz-e-furqat hai
rañj marne kā mujh ko rāhat hai

suno aaj ham meñ se kisī ko maut ne taakā
achānak mar gayā koī

qātil ko bulā laao sitamgar ko sadā do
inkār mujhe maut se karnā bhī nahīñ hai

maslahat ye hai ki iz.hār-e-mohabbat na karūñ
maut hai mere liye arz-e-tamannā kyā hai

aish-e-imroz pe ḳhush haiñ ġham-e-fardā kyā hai
maut aa jaa.e to mar jā.eñge jhagḌā kyā hai

har taraf maut kā sannāTā hai
shahr par saaḌH satī ho jaise

tum tasallī na do sirf baiThe raho vaqt kuchh mere marne kā Tal jā.egā
kyā ye kam hai masīhā ke rahne hī se maut kā bhī irāda badal jā.egā

jaan de kar liyā hai nām-e-vafā
maut bhī ham ne mol lī hī sahī

maut aa.ī mujhe kūche meñ tire jaane se
niiñd aa hī ga.ī jannat kī havā khāne se

ġham kī bastī ajiib bastī hai
maut mahñgī hai jaan sastī hai

ik kāñTā dil ko Dastā thā
maut se pahle hī

hayāt maut hai andāz-e-haidarī ke baġhair
satīza-gāh meñ harf-e-junūñ pe jazm bhī ho

maut kā aanā to tai hai maut aa.egī magar
aap ke aane se thoḌī zindagī baḌh jā.egī

maut bhī chain se aatī hai kahāñ insāñ ko
zehn meñ gūñjtā hī rahtā hai merā merā

hamārī zindagī hai maut jaisī
yahī sach hai to marte kyuuñ nahīñ haiñ

aañkh meñ aañsū haiñ māthe par araq hai maut kā
le ḳhabar umr-e-ravāñ apne chhalakte jaam kī

vahāñ tamaddun-e-mashriq kī maut kā ġham hai
yahāñ adab ke janāza pe shor-e-mātam hai