Tags-Aarzoo

aurāq-e-ārzū pe ba-unvān-e-jāñ-kanī
maiñ be-nishāñ sī chand lakīroñ ke saath huuñ

tirī talab terī aarzū meñ nahīñ mujhe hosh zindagī kā
jhukā huuñ yuuñ tere āstāñ par ki mujh ko ehsās-e-sar nahīñ hai

sab pe khulne kī hameñ hī aarzū shāyad na thī
ek do hoñge ki ham jin par faqīrāna khule

ham jānte to ishq na karte kisū ke saath
le jaate dil ko ḳhaak meñ is aarzū ke saath

jo daana daana fanā fasl-e-ārzū kā huā
tamām fitna malaḳh aur mor kā niklā

chhupā rahtā hai dast-e-ārzū ḳhuddār logoñ kā
baḌī mushkil se apnī zaat kā iz.hār karte haiñ

dil-e-pur-ārzū luTā ai 'dāġh'
vo ḳhazāna nazar nahīñ aatā

ik aarzū ke safar se palaT rahā huuñ maiñ
dil o nigāh kī mahrūmiyāñ uThā.e hue

vo kyā zindagī jis meñ joshish nahīñ
vo kyā aarzū jis meñ kāvish nahīñ

dil meñ jiine kī aarzū le kar
maiñ ka.ī baar roz martī huuñ

dard-e-nākām-e-hujūm-e-ārzū kā hai ma.aal
talḳhi-e-hasrat natīja shauq-e-ulfat-zād kā

mujh ko vahī milā mujhe jis kī talab na thī
mashrūt kuchh nahīñ hai yahāñ aarzū ke saath

tapte dinoñ kī aag meñ jiine kī aarzū
shabnam ba-rū-e-gul araq-e-infi.āl hai

mire lahū meñ bhī utreñ kabhī na.e mausam
ye aarzū rahī merī mirā gumāñ hī rahā

dekh kar ham ko asīr-e-ārzū
aur bhī vo ho ga.e begāna-ḳhū

dil-e-vīrāñ ko dekhte kyā ho
ye vahī aarzū kī bastī hai

abhī jazba-e-shauq kāmil nahīñ hai
ki begāna-e-ārzū dil nahīñ hai

ham ne saarī zindagī ik aarzū meñ kaaT dī
farz kiije kuchh nahīñ khoyā magar paayā bhī kyā

sadā rahe terā ġham salāmat yahī asāsa hai aabrū kā
ye daulat-e-dil baham na hotī to kaun pursāñ thā aarzū kā