Tags-Aarzoo

maiñ shiddat kī tanhā.ī meñ
āshnā harf kā ārzū-mand

ye shahr-e-be-sadā andar se shahr-e-ārzū niklā
dhuāñ har-dam yahāñ bujhte charāġhoñ kā badaltā hai

kāmanī sūrat meñ bhī ik aarzū hai mahv-e-ḳhvāb
sāñvlī rañgat meñ bhī ik vasl kā kam-ḳhvāb hai

'bayāñ' barq-e-balā chitvan kisī kī
dil-e-pur-ārzū ḳhirman kisī kā

jo jashn-vashn hai vo hisār-e-havas meñ hai
ye aarzū kā shahr to vīrān ho chukā

maiñ sāda-lauh sāda-bayāñ sāda-ārzū
aur us ne sādgī pe bharosā nahīñ kiyā

marnā marne kī aarzū meñ
hāsil hai ye apnī zindagī kā

kisī kī tamannā nikaltī rahī
mirī aarzū haath maltī rahī

tirī aarzū se bhī kyuuñ nahīñ ġham-e-zindagī meñ koī kamī
ye savāl vo hai ki jis kā ab koī ik javāb nahīñ rahā

aarzū jin kī hai un kī anjuman tak aa ga.e
nik.hat-e-gul ke sahāre ham chaman tak aa ga.e

aarzū jiine kī thī imkān jiine kā na thā
ḳhvāhisheñ thiiñ saf-ba-saf sāmān jiine kā na thā

manziloñ kī bhī aarzū hai bahut
Dar bhī lagtā hai mujh ko ran-ban se

be-rañg the aarzū ke ḳhāke
vo dekh rahe haiñ muskurā ke

hai jo qismat meñ vahī hogā na kuchh kam na sivā
aarzū kahte haiñ kis chiiz ko hasrat kaisī

ye aarzū ke sitāre ye intizār ke phuul
chamak rahī haiñ ḳhatā.eñ mahak rahe haiñ gunāh

vaañ irāda aaj us qātil ke dil meñ aur hai
aur yahāñ kuchh aarzū bismil ke dil meñ aur hai

jis kā chehra thā chamakte mausamoñ kī aarzū
us kī tasvīreñ bhī aurāq-e-ḳhizānī ho ga.iiñ

ab na jazba na aarzū na umiid
bin divānoñ kā ek sahrā maiñ

hai mirī nigāh meñ sirf tū kisī aur kī nahīñ justujū
tire iltifāt kī aarzū tirī be-ruḳhī kā gilā bhī hai

ḳhushk āñkhoñ se nikal kar āsmāñ par phail jā
ai ġhubār-e-ārzū tā-hadd-e-manzar phail jā