Tags-Aarzoo

jab huī ḳhaak to iksīr huī hai baabā
aarzū miTne se tāsīr huī hai baabā

hujūm-e-ārzū se shahr-e-dil ābād karte haiñ
ham apnī ḳhaak apne haath se barbād karte haiñ

tar-zabānī aur ḳhāmoshī kī mub.ham guftugū
lafz o ma.anī meñ tavāzun kī nahufta aarzū

aarzū ābād hai bikhre khañDar ke aas paas
dard kī dahlīz par gard-e-safar ke aas paas

kahīñ dām-e-sabza-e-gul milā kahīñ aarzū kā chaman khilā
tire husn ko ye ḳhabar bhī hai maiñ kahāñ kahāñ se guzar gayā

hamīñ pe ḳhatm haiñ jaur-o-sitam zamāne ke
hamāre baad use kis kī aarzū hogī

jo aarzū thī ki hoñ ird-gard gul-būTe
to tum ne nāg-phanī ke ugaa.e jañgal kyuuñ

kab pilāvegā tū ai saaqī mujhe jām-e-sharāb
jāñ-ba-lab huuñ aarzū meñ mai kī paimāne kī tarah

aarzū armān ḳhvāhish justujū va.ade vafā
dil lagā kar tum zamānae bhar ke dhoke khāoge

ab to vo barg-e-ārzū bhī havā
le ga.ī hai uḌā ke itnī duur

safar meñ hotī hai pahchān kaun kaisā hai
ye aarzū thī mire saath tū safar kartā

sabā ke sabz ḳhitte se
sunahre mausamoñ kī aarzū le kar

ḳhushā āñkhoñ meñ jañgal haiñ tumhārī
bhaTakne kī mujhe bhī aarzū hai

kal un ke aage sharah-e-tamannā kī aarzū
itnī baḌhī ki nutq ko bekār kar diyā

zindagī kī tarah ḳhirāj-talab
koī darmāñda aarzū hai abhī

aarzū kā hasīñ saverā bhī
aaj nārāz hai kisī kī tarah

aarzū tum hamārī mat karnā
ham duā ke asar meñ rahte haiñ

kab pilāvegā tū ai saaqī mujhe jām-e-sharāb
jāñ-ba-lab huuñ aarzū meñ mai kī paimāne kī tarah

ḳhvāhish-e-qadam ki hoñ us taraf hī gāmzan
dil kī aarzū rahe us kī hī quyūd meñ