Tags-Aarzoo

siroñ pe sāya-fagan abr-e-ārzū na sahī
hamāre paas sarāboñ kā sā.ebān to hai

aarzū ye hai ki taqdīs-e-hunar kī ḳhātir
tere hoñToñ pe rahūñ hamd-o-sanā ho jā.ūñ

ai dil tujhe natīja-e-ulfat hai ḳhuub yaad
aur phir bhī aarzū tujhe kū-e-butāñ kī hai

har aarzū kī aañkh meñ aañsū lahū ke haiñ
kis kā ye dil ke shahr meñ yaum-e-visāl hai

jazboñ kī anjuman meñ usī kī hai raushnī
gul-hā-e-ārzū meñ usī kā jamāl hai

vo mazā diyā taḌap ne ki ye aarzū hai yā-rab
mire donoñ pahluoñ meñ dil-e-be-qarār hotā

ishq kī sāda-dilī hai har taraf chhā.ī huī
bārgāh-e-husn meñ har aarzū nau-ḳhez hai

vo bahār-afroz āñchal sad gulistāñ darkinār
vo bahisht-e-ārzū rañgīñ-qabā kal raat ko

tirī vahshat liye phirtī hai garm-e-justujū mujh ko
sukūñ-andoz hone kī bahut hai aarzū mujh ko

juz nihāl-e-ārzū siine meñ kyā rakhtā huuñ maiñ
koī bhī mausam ho ye paudā harā rakhtā huuñ maiñ

tujh kuuñ agar hai aarzū us ḳhush-adā ke vasl kī
ai dil sarāpā shauq meñ āġhosh ho āġhosh ho

na vo mire dil se bā-ḳhabar the na un ko ehsās-e-ārzū thā
magar nizām-e-vafā thā qaa.em kushūd-e-rāz-e-nihāñ se pahle

faqat yahī hai aarzū tū mil kahīñ to rū-ba-rū
ye dil tire firāq meñ kahīñ sambhal nahīñ rahā

husn ke jalve nahīñ muhtāj-e-chashm-e-ārzū
sham.a jaltī hai ijāzat le ke parvāne se kyā

shān-e-ġhurūr un kī tasvīr ik ruḳhī hai
aur aarzū kī nazreñ shaidā bhī haiñ hasīñ bhī

laakh kahne par bhī us ne ruḳh pe rakkhā thā naqāb
ik jhalak kī aarzū ko nāgavārā kar diyā

fareb-e-ārzū kī sahl-añgārī nahīñ jaatī
ham apne dil kī dhaḌkan ko tirī āvāz-e-pā samjhe

har aarzū fareb hai har justujū sarāb
machle jo dil bahut use samjhā diyā karo

haañ shahr-e-ārzū thā kabhī ye ujaaḌ ghar
ab khañDaroñ se is kī kahānī sunā karo

safar meñ haiñ to hameñ yaad bām-o-dar kī hai
Thahar ga.e haiñ to phir aarzū safar kī hai