Tags-Aarzoo

vo aarzū se milā jab kuchh aarzū na rahī
na jab talak ga.ī milne kī aarzū na milā

ḳhūn-e-junūñ to jal gayā shauq kidhar nikal gayā
sust haiñ dil kī dhaḌkaneñ tez hai nabz-e-ārzū

aah ab ḳhuddārī-e-akbar kahāñ
ho ga.ī vo bhī ġhulām-e-ārzū

bharī jo hasrat-o-yās apnī guftugū meñ hai
ḳhudā hī jaane ki banda kis aarzū meñ hai

lekin yā-rab
aarzū ke in murjhā.e sūkhe phūloñ

bāzār-e-dil meñ dard kā gāhak nahīñ koī
mīzān-e-ārzū meñ ziyāñ taultā huuñ maiñ

fusūñ-kārā nigārā nau-bahārā ārzū-ārā
bhalā lamhoñ kā merī aur tumhārī ḳhvāb-parvar

'ātish' ye vo zamīñ hai ki jis meñ ba-qaul-e-'dard'
dil hī nahīñ rahā hai jo kuchh aarzū kareñ

dīdār-e-ām kījiye parda uThā.iye
tā-chand banda-hā-e-ḳhudā aarzū kareñ

hue haiñ ḳhushk bharī dopahar ka.ī dariyā
is aarzū meñ ki rakh de sarāb kaaT ke vo

jahān-e-ārzū meñ ab bhī hāl-o-qāl terā hai
suḳhan kī mumlikat meñ aaj tak iqbāl terā hai

diloñ ko ab bhī chamkātī hai sham-e-ārzū terī
lab-e-tahrīr par ab tak hai shīrīñ guftugū terī

tūfān-e-ġham kī tund havāoñ ke bāvajūd
ik sham-e-ārzū hai jo ab tak bujhī nahīñ

tujh se āshirbād jo paa.eñ
aarzū aise bhī tan jaa.eñ

maiñ apnī hī aarzū kī chashm-e-malāl meñ huuñ
khulā hai dar ḳhvāb kā magar dekhtā nahīñ huuñ

maiñ shab nizhādoñ meñ sub.h-e-fardā kī aarzū huuñ
maiñ apne imkāñ meñ raushnī huuñ sabā nahīñ huuñ

kabhī kabhī aarzū ke sahrā meñ aa ke rukte haiñ qāfile se
vo saarī bāteñ lagāv kī sī vo saare unvāñ visāl ke se

luT chukā huuñ rah-e-tamannā meñ
aarzū ab to chhoḌ de dāman

vo kaun thā vo kaun thā
tilism-e-shahr-e-ārzū jo toḌ kar chalā gayā

mujhe hai aarzū dil meñ tirī chāh-e-zanaḳhdāñ kī
nahīñ darkār hauz-e-kausar o āb-e-zulāl us kā