Tags-Aarzoo

yuuñ hī rote rahoge umr bhar merī tarah 'rif.at'
kahīñ aisā na ho tum bhī kisī kī aarzū kar lo

yahī hai aarzū apnī yahī hai mudda.ā apnā
jo ahl-e-hind haiñ yārab unheñ to surḳh-rū kar de

shamīm-e-lutf se ḳhāk-e-vatan ko mushkbū kar de
harā abr-e-karam se is kā naḳhl-e-ārzū kar de

ḳhudāyā hind kā raushan charāġh-e-ārzū kar de
yad-e-qudrat se is ko bāġh-e-jannat hū-ba-hū kar de

aañsū ho mai ho zahr ho āb-e-hayāt ho
juz ḳhūn-e-ārzū na mujhe zindagī kī pyaas

vo maah jalva dikhā kar hameñ huā rū-posh
ye aarzū hai ki nikle kahīñ dobārā chāñd

zamīñ kī aarzū sairāb ho kisī sūrat
samundaroñ meñ jazīre ubharnā chāhte haiñ

guloñ kā rañg tapish ḳhushbūeñ samundar khīñch
kuchh is tarah se mirī aarzū kā paikar khīñch

lahū Tapkā kisī kī aarzū se
hamārī aarzū Tapkī lahū se

hikāyat-e-ishq se bhī dil kā ilaaj mumkin nahīñ ki ab bhī
firāq kī talḳhiyāñ vahī haiñ visāl kī aarzū vahī hai

kyā aarzū ki ḳhaak meñ apnī mileñ na yaañ
kis rū se ab falak se maiñ kuchh aarzū karūñ

kuchh harf-e-ārzū thā kuchh yād-e-aish-e-raftā
jitne the naqsh dil meñ ham ne miTā diye haiñ

guzar rahī hai tasavvur meñ zindagī apnī
ab 'ārzū' na sahī aarzū kā ḳhvāb to hai

piyūñ sharāb maiñ dushman ke kāsa-e-sar meñ
ye buzdil aarzū kaisī hañsī uḌātī hai

aarzū ke bahr-o-dariyā kī kahānī kyā kahūñ
is kā sāhil aur hai is kā kinārā aur hai

lagte hī Thes TuuT gayā sāz-e-ārzū
milte hī aañkh shīsha-e-dil chuur chuur thā

raheñge chain se ab dard maiñ mohabbat ġham
tumhārī dil se miTā dī hai aarzū maiñ ne

shab-e-visāl meñ he he vo un kā sharmā kar
dabī zabān se kahnā ki aarzū kyā hai

roz-e-azal the Dher hazāroñ lage hue
chupke se chhāñT laa.e dil-e-ārzū-pasand

mujh ko na dil pasand na dil kī ye ḳhū pasand
pahlū se mere jaa.e dil-e-ārzū-pasand