Tags-Aarzoo

diloñ meñ koī havas koī aarzū bhī nahīñ
maiñ sab luTā chukā ab fikr-e-ābrū bhī nahīñ

tujh se mahrūm yuuñ rahūñ sad-haif
kyā kyā dil meñ thiiñ aarzū mujh ko

be-vafā go mile na tū mujh ko
bas hai terī ye aarzū mujh ko

uThāoge hameñ ab kyā tum apnī mahfil se
ham ārzū-o-havas ke biThā.e baiThe haiñ

ise bhī nāvak-e-jānāñ tū apne saath letā jā
ki merī aarzū dil se nikalne ko tarastī hai

har ik ḳhvāb ummīd ḳhvāhish pe tuf hai
har ik aarzū dil kī hasrat pe la.anat

ḳhudā.ī karne lagā yaar be-niyāzī se
baḌā ġhurūr use merī aarzū se huā

jidhar nigāh kī jalva tirā nazar aayā
kamāl-e-kashf mujhe terī aarzū se huā

sahrā-e-ārzū hai qadam dekh-bhāl kar
kāñToñ kī samt ābla-pā aur dekh le

aarzū jab thī hazāroñ the harīf
ab koī bhī ġham-gusār-e-dil nahīñ

rahā kartī hai hasrat ban ke dil meñ
matā-e-ārzū luTtī nahīñ hai

jo aarzū thī banī ek bojh āḳhir 'zeb'
hamīñ uThā.e phire dil pe baar kis kā thā

isī aarzū kī taḌap liye yūñhī phir rahā huuñ maiñ dar-ba-dar
vahī ḳhaak hai mire sar meñ bhī vahī āsmāñ mire saath hai

ik aarzū mujhe kyā kyā fareb detī hai
bujhe charāġh meñ bhī raushnī sī lagtī hai

rahā mizāj meñ saudā-e-qaum ḳhū ho kar
vatan kā ishq rahā dil kī aarzū ho kar

umr-bhar justujū rahegī kyā
aarzū aarzū rahegī kyā

vaqt-e-ruḳhsat dil ne itnā hī kahā ro kar ki bas
ab phir aane kī mire tū aarzū mat kījiyo

zabāñ se jab na kuchh yārā-e-sharh-e-ārzū paayā
nigāhoñ se huzūr-e-husn aksar baat kī maiñ ne