Tags-Aarzoo

ai dasht-e-ārzū mujhe manzil kī aas de
merī thakan ko gard-e-safar kā libās de

rahe ilāhī mire dil kī aabrū qaa.em
sadaf meñ hai ye guhar dil meñ aarzū kyā hai

lahū jo garm na kar de vo aarzū kyā hai
jo aarzū se na garmā.e vo lahū kyā hai

ye jān-e-husn-e-mohabbat hai aarzū kyā hai
na ho ye dil meñ to maiñ kyā huuñ aur tū kyā hai

zabān kyā hai mohabbat kī guftugū kyā hai
ba-juz nigāh ke paiġhām-e-ārzū kyā hai

ab kyā karoge sair-e-saman-zār-e-ārzū
rut jā chukī chaḌhe hue dariyā utar chale

vo ek kaif kā aalam vo ārzū-mandī
na jaane kaun sī duniyā meñ jī rahe the ham

hūr-o-ġhilmāñ kī havas kāfir ho jis ko Tuk bhī ho
āshiqoñ ke dil kī zāhid aarzū kuchh aur hai

jiine kā hausla kabhī marne kī aarzū
din yuuñ hī dhuup chhāñv meñ apne bhī kaT ga.e

barahna-pā aao tum bhī hamdam bas ab to sahrā-e-ārzū meñ
tamāzat-e-reg-e-āgahī se tilism-e-mauj-e-sarāb TuuTe

hayāt kī jū-e-dard-o-ġham meñ safīne ummīd-o-ārzū ke
ba-shakl-e-mauj-e-nasīm ubhre ba-rañg-e-jism-e-habāb TuuTe

lutf duunā ho jo donoñ ghar mire ābād hoñ
tū rahe pahlū meñ terī aarzū dil meñ rahe

'soz' jiine kī aarzū meñ ham
ban ga.e maut ke tamannā.ī

mirī aarzū koī ḳhvāb thā so maiñ rat-jagoñ se ulajh paḌā
mirī āfiyat thī ḳhumār meñ mujhe jāgne meñ hunar rahā

kisī tarah din to kaT rahe haiñ fareb-e-ummīd khā rahā huuñ
hazār-hā naqsh aarzū ke banā rahā huuñ miTā rahā huuñ

liye jaatī hai naḳhl-e-ārzū tak zindagī 'ḳhālid'
magar dāman atā-e-naḳhl se bharne nahīñ detī

jo muqayyad haiñ terī ulfat ke
aarzū kab unheñ rihā.ī kī

īmān o jaañ nisār tirī ik nigāh par
tū jān-e-ārzū hai tū īmān-e-ārzū!

ye aarzū rahī dil meñ hamāre tā-dam-e-naza.a
jo aatā yaar to kuchh us se guftugū karte

sāġhar-ba-dast baiThī rahī merī aarzū
saaqī shafaq se jaam ko Takrā ke pī gayā