Tags-Aadmi

vaqt par maut kī lazzat bhī nahīñ de paayā
mujh ko vo aadmī hiirā hī lagā thā pahle

likkhī ga.ī haiñ jis ke saath zindagī kī manzileñ
vo aa milegā aadmī charāg ke baġhair bhī

jo chehre duur se lagte haiñ aadmī jaise
vahī qarīb se patthar dikhā.ī dete haiñ

haivāñ par aadmī ko sharaf nutq se huā
shukr-e-ḳhudā kare jo zabān-e-bashar khule

zā.iqa talḳh hai mohabbat kā
aadmī zahr-e-ġham piye na piye

sīna-e-ādmī kī baat hai aur
yuuñ to chhalnī hai sīna-e-nai bhī

ik musht-e-ḳhāk aag kā dariyā lahū kī lahr
kyā kyā rivāyateñ haiñ yahāñ aadmī ke saath

hamārī aap kī shāyad koī misāl nahīñ
jo mar gayā hai vahī aadmī misālī thā

jis ko jiine kā zarā sā bhī nahīñ thā hausla
Dar ke ġham se mar gayā vo aadmī achchhā huā

kisī faqīr ke hujre meñ baiThne ke ba.ad
jo aadmī haiñ vo insān bante jaate haiñ

kāhīda mujh ko dekh ke vo ġhairat-e-parī
kahtā hai aadmī ho ki mardum-gayāh ho

āḳhir ko aadmī huuñ kabhī chāhtā hai dil
ḳhud ko tire ḳhayāl se āzād kar sakūñ

'shu.ūr' ḳhud ko zahīn aadmī samajhte haiñ
ye sādgī hai to vallāh intihā kī hai

maiñ jis meñ rah na sakā jī-huzūriyoñ ke sabab
ye aadmī hai usī kāmyāb mausam kā

husn-e-iḳhlās hī nahīñ varna
aadmī aadmī to aaj bhī hai

zabt bhī chāhiye zarf bhī chāhiye aur mohtāt pās-e-vafā chāhiye
zindagī dushmanoñ meñ bhī mushkil nahīñ aadmī meñ zarā hausla chāhiye

vo ḳhush-nasīb haiñ jin ko ḳhudā kī zaat milī
hameñ ik aadmī mushkil se dastiyāb huā

na do hūr-o-mai-o-kausar ke ta.ane
ki zāhid bhī to āḳhir aadmī hai

maiñ ne dekhā jab aadmī kā lahū
zar-parastī ke ābgīne meñ

kahīñ nasl aadmī kī uTh na jaave is zamāne meñ
ki motī āb-e-haivāñ jānte haiñ āb-e-insāñ ko