Tags-Aadmi

jitnā hañgāma ziyāda hogā
aadmī utnā hī tanhā hogā

juz mire sūraj parinde aadmī
sab nikal jaate haiñ apne kaam par

aadmī aadmī se miltā hai
dil magar kam kisī se miltā hai

haiñ samt samt ayaañ ḳhair-o-shar ke hañgāme
ki aadmī ko ḳhudā.ī kā rāz-dār kareñ

kuchh ishq thā kuchh majbūrī thī so maiñ ne jīvan vaar diyā
maiñ kaisā zinda aadmī thā ik shaḳhs ne mujh ko maar diyā

ujālā surya kā mahloñ meñ bhī hai jhoñpaḌī meñ bhī
ho koī aadmī mālik kī rahmat kam nahīñ hotī

aap to ḳhair baḌe aadmī kahlāte haiñ
ham to chhoToñ kī bhī tahqīr nahīñ kar sakte

hai aadmī to uThānā hai baar hastī kā
hai aas jiine kī hoñToñ pe kapkapī kyā hai

haiñ yuuñ to saikḌoñ maḳhlūq bazm-e-hastī meñ
nahīñ hai dil meñ mohabbat to aadmī kyā hai

zikr-e-sharāb-e-nāb pe vaa.iz ukhaḌ gayā
bole the achchhī baat bhale aadmī se ham

na jaane pichhle janam kaun sī ḳhatā huī thī
ki is janam meñ mujhe aadmī banāyā gayā

jab ḳhāmushī hī bazm kā dastūr ho ga.ī
maiñ aadmī se naqsh-ba-dīvār ban gayā

badan pe jis ke sharāfat kā pairahan dekhā
vo aadmī bhī yahāñ ham ne bad-chalan dekhā

ek hī peḌ par saañp aur aadmī saath rahte haiñ sailāb utarne talak
ham-safar hai agar dushman-e-jāñ to kyā raah sunsān hai baat karte raheñ

fikr-e-zar meñ bilaktā huā aadmī
ab kahāñ rah gayā kaam kā aadmī

ye kamāl-e-ḳhudī hī kahā jā.egā
ḳhud hī duniyā banāne lagā aadmī

the bahut log mahfil meñ baiThe hue
un meñ mushkil se ik mil gayā aadmī

ḳhūb-sūrat sī is par kahānī likho
gaañv kī goriyāñ shahr kā aadmī

kaun apnā.e maazī kī parchhā.iyāñ
kaun paidā kare ab nayā aadmī

zindagī bhī haqīqat meñ ik jurm hai
umr bhar kāTtā hai sazā aadmī