Tags-Aadmi

tire ġhurūr ko ham se shikāyateñ haiñ bajā
ham aadmī haiñ hameñ past ādateñ haiñ bahut

vahī dard hai vahī bebasī tire gaañv meñ mire shahr meñ
be-ġhamoñ kī bhiiḌ meñ aadmī tire gaañv meñ mire shahr meñ

yuuñ daad vo dete haiñ vafā kī
ye kaam nahīñ hai aadmī kā

is kī vahshat kā mudāvā kar nahīñ saktā koī
ḳhud agar chāhe to ban saktā hai insāñ aadmī

pur-sukūñ hālāt meñ ḳhāmosh sāhil kī tarah
shorish-e-jazbāt meñ mānind-e-tūfāñ aadmī

qatra-e-be-māya lekin bahr-e-nā-paidā-kanār
zarra-e-nāchīz vus.at meñ bayābāñ aadmī

apne zaḳhmoñ kā mudāvā ġhair mumkin to nahīñ
ai 'hazīñ' saare dukhoñ kā ḳhud hai darmāñ aadmī

kyā ajab fart-e-ḳhushī se hai jo giryāñ aadmī
kasrat-e-ġham meñ nazar aatā hai ḳhandāñ aadmī

zindagī kī saḳht rāhoñ kā safar darpesh hai
kārvāñ-dar-kārvāñ hai pā-ba-jaulāñ aadmī

ādamiyat agle vaqtoñ meñ thī ik anmol shai
aaj ke hālāt meñ hai jins-e-arzāñ aadmī

sar uThāte haiñ naqsh paañv tale
saaya jab aadmī kā Dhaltā hai

taras na jaa.e raqs-o-ram ko bhī kahīñ
vo dasht jis pe saaya aadmī kā hai

har aadmī ko ye duniyā badal ke rakh degī
badal sakā na agar ab bhī aadmī duniyā

mujhī meñ kaun ḳhatā hai ki jo kisī meñ nahīñ
ik aadmī huuñ yahī bas na aur kyā huuñ maiñ

kis taraf jaa.e aadmī āḳhir
hai fazā dasht meñ kidhar achchhī

vo aadmī thā kitnā bhalā kitnā pur-ḳhulūs
us se bhī aaj liije mulāqāt ho ga.ī

biich meñ māsūm sā ik aadmī
har taraf sāñpoñ ke lashkar ai ḳhudā

ghuT ke rah jā.egā akele meñ
aadmī kyā haiñ aadmī ke baġhair

samajh sako to ye tishna-labī samundar hai
ba-qadr-e-zarf har ik aadmī samundar hai

tum rañg ho tum nuur ho tum shīsha ho tum jaam
kirnoñ se bharī sub.h ho tāroñ se bharī shaam