Tags-Dhoka

bahut fareb samajhtā huuñ phir bhī ai 'ālī'
maiñ kyā karūñ agar un par bhī e'tibār na ho

kab tak fareb-e-jāda kab tak ġhubār-e-manzil
ai dard-e-nā-tamāmī ai ranj-e-nārsā.ī

ye daur kaisā hai yā-ilāhī ki dost dushman se kam nahīñ hai
ḳhulūs-e-har-rahbar-e-zamāna fareb-e-rahzan se kam nahīñ hai

duniyā ke har fareb ko ehsān maan kar
duniyā kā hausla na baḌhā.eñ to kyā kareñ

ik aasrā to chāhiye jiine ke vāste
hālāt kā fareb na khā.eñ to kyā kareñ

kyā kahūñ maiñ is ko āñkhoñ ne diye haiñ jo fareb
fann-e-makkārī meñ ye makkār donoñ ek haiñ

'ahad' vo ḳhud ko fareb degā
jo vaqt ko an-sunā karegā

itne khaa.e haiñ sarāboñ se fareb
sāmne dariyā hai aur pyāsā huuñ maiñ

jo pahle aaj se thā aaj bhī vahī ġham hai
ye daur-e-jām nahīñ hai fareb-e-paiham hai

rasman hī un ko nāla-e-dil kī ḳhabar to ho
ya.anī asar na ho to fareb-e-asar to ho

fareb-e-zindagī kī dāstāñ kahne ko kyā kam hai
qayāmat meñ zabāñ par aur afsāna to kyā hogā

duniyā ko fareb de rahī hai
jalva hai sarāb kā tamannā

fareb-e-sharh-e-tamannā bhī khā le ab ye dil
laboñ ko jur.at-e-iz.hār-e-mudda.ā de do

de rahe haiñ tumheñ to log rifāqat kā fareb
un kī tārīḳh paḌhoge to dahal jāoge

fareb-e-vāda-e-dildār kī qadr
shahīd-e-ḳhanjar-e-inkār se pūchh

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

fareb hī se navāzā hai un rafīqoñ ne
mirī janāb meñ aa kar jo bāryāb hue

abhī to sub.h ke māthe kā rañg kaalā hai
abhī fareb na khaao baḌā añdherā hai

khaa.e baiThā hai zamāne se ta.alluq kā fareb
tū 'alī' itnā to nādān nahīñ thā pahle

haa.e vo zindagī-fareb āñkheñ
tū ne kyā sochā maiñ ne kyā samjhā