Tags-Dhoka

mujhī ko parda-e-hastī meñ de rahā hai fareb
vo husn jis ko kiyā jalva-āfrīñ maiñ ne

aa.ina tak to ulTī kahe hai agar fareb
khānā ho koī dost banā lenā chāhiye

itne paa.e haiñ dostī meñ fareb
ab kisī kā bhī e'tibār nahīñ

haiñ yaad bahut makr o fareb aise hameñ bhī
muTThī meñ jo aa jaa.eñ tirī dil to nahīñ ham

samajh rahā huuñ sahar ke fareb-e-rañgīñ ko
nayā libās shab-e-ġham badal ke aa.ī hai

duniyā ne terī yaad se begāna kar diyā
tujh se bhī dil-fareb haiñ ġham rozgār ke

vo ḳhamīda-qad ḳham-e-māh--enau vo nazar-fareb ḳhunuk sī zau
vo nigāh-e-barq-e-amal kī rau ki diloñ ko jis ne hilā diyā

barsoñ fareb khāte rahe dūsroñ se ham
apnī samajh meñ aa.e baḌī mushkiloñ se ham

ba-qadr-e-paimāna-e-taḳhayyul surūr har dil meñ hai ḳhudī kā
agar na ho ye fareb-e-paiham to dam nikal jaa.e aadmī kā

dil ko de kar fareb-e-shauq-o-talab
ab tamannā nazar nahīñ aatī

nazar ġhazāl mohabbat naqāb jhiil ajal
surūr-e-ishq taqaddus fareb-e-amr-o-nahī

jahān-e-nau kā tasavvur hayāt-e-nau kā ḳhayāl
baḌe fareb diye tum ne bandagī ke liye

kisī be-vafā kā gila bhī hai kisī bā-vafā kī talāsh hai
ye fareb-e-shauq ki dil ko phir kisī āshnā kī talāsh hai

maiñ jal meñ aa gayā vo na aayā fareb meñ
maiñ zad pe chaḌh gayā vo na Therā lagāv par

fareb-ḳhurda-e-manzil haiñ ham ko kyā mālūm
ba-tarz-e-rāhbarī rāhzan kī baat karo

nigāh-e-nāz ki vābasta-e-jigar thī kabhī
batā fareb-e-tamannā ki sarsarī kyuuñ hai

har tabassum pe ye khātā huuñ fareb
ki unheñ dīda-e-tar yaad aayā

duniyā ham ahl-e-ishq pe kyuuñ pheñktī hai jaal
ham ne tire fareb meñ aanā to hai nahīñ

fareb-e-nik.hat-e-gul se bachā ke dāman-e-dil
zabān-e-ḳhār se suntā huuñ guftugū terī

maiñ zindagī kī kaḌī dhuup meñ akelā huuñ
fareb-e-abr mire ās-pās rahne do