Collections

Lab Shayari

Motivational Ghazals

Best Khamoshi Shayari

More Collections

Tags-Dhoka

shahr-e-vafā ḳhamosh hai patthar bane baġhair
kaisā fareb-e-koh-e-nidā ne asar kiyā

khoe gae to aaine ko moatabar kiya

dekhī nahīñ thī chaak ne achchhī tarah se dekh lī
vaise bhī dil-fareb thī kuuze pe kūza-gar kī sair

donon jahan se aa gaya kar ke idhar udhar ki sair

vo tez dhuup hai ki pighalne lage haiñ ḳhvāb
zulfoñ ke saa.e deñge fareb-e-bahār kyā

kaise amir kis ke gada tajdar kya

fareb-e-sādgī hai yā sharārat
maiñ ye samjhā ki vo merā bahut hai

bura ho kar bhi wo achchha bahut hai

raah kyā manzil hai kaisī har haqīqat hai fareb
kārvāñ ko bhī ġhubār-e-kārvāñ kahte raho

koshish-e-paiham ko sai-e-raegan kahte raho

ik umr bhaTakte hue guzrī hai junūñ meñ
ab kaun fareb-e-nigah-e-yār meñ aa.e

kahne ko to kya kya na dil-e-zar mein aae

haqīqat-e-ġham-e-daurāñ ke saath ai nāseh
fareb-e-shīsha-o-sāġhar nahīñ to kuchh bhī nahīñ

shamim-e-zulf o gul-e-tar nahin to kuchh bhi nahin

jānte to haiñ yahāñ sab hī siyāsat ke fareb
kyā ḳhabar kis maslahat se har zabāñ ḳhāmosh hai

wahshaten phaili hain har su do-jahan KHamosh hai

mohtāt o hoshiyār to be-intihā huuñ maiñ
amdan tirā fareb-e-nazar khā gayā huuñ maiñ

mohtat o hoshiyar to be-intiha hun main

fareb-e-kul hai zamīñ aur namūna-e-azdād
ki ibtidā hī gunāh-o-savāb se huī thī

na mah-ru na kisi mahtab se hui thi

is but ke har fareb pe qurbān se rahe
ik umr apne miTne ke sāmān se rahe

is but ke har fareb pe qurban se rahe

maiñ us fareb-e-husn se ḳhud bā-ḳhabar na thā
vo thā to mere saath ba-zāhir magar na thā

garche mere KHulus se wo be-KHabar na tha

kabhī koī vaada vafā na kar yūñhī roz roz bahāna kar
tū fareb de ke chalā gayā tirā e'tibār nahīñ gayā

teri bewafai ke baad bhi mere dil ka pyar nahin gaya

allāh-re fareb-e-mashiyyat ki aaj tak
duniyā ke zulm sahte rahe ḳhāmushī se ham

tang aa chuke hain kashmakash-e-zindagi se hum

har shaḳhs ko fareb-e-nazar ne kiyā shikār
har shaḳhs gum hai gumbad-e-jāñ ke hisār meñ

hosh o KHirad ganwa ke tere intizar mein

apne se koī baat chhupā.ī nahīñ kabhī
ye bhī fareb ḳhud ko bahut de chuke ho tum

KHwabon ke aasre pe bahut din jiye ho tum

mizāj-e-husn-o-mohabbat meñ sādgī na fareb
na vo yaqīn rahā ab na vo daġhā.eñ rahīñ

na ab wo ishq na wo ishq ki adaen rahin

dostoñ se is qadar khaa.e fareb
dushmanoñ kī dushmanī achchhī lagī

gham ke daman mein KHushi achchhi lagi

phir ik fareb meñ ye shab guzar na jaa.e kahīñ
qasam na khā mire saaqī ki raat jaatī hai

subu uTha mere saqi ki raat jati hai

ye ḳhud-fareb ujāle ye haath haath diye
diye bujhāo ki insān ġham ko pahchāne

zaban ko hukm nigah-e-karam ko pahchane