Tags-Dhoka

nāzāñ haiñ josh-e-husn pe gul-hā-e-dil-fareb
joban dikhā rahā hai ye aalam ubhār kā

noch kar apnī hayā oḌh ke chehre pe fareb
ek gumrāh sā kirdār liye phirtī hai

dil-e-hazīñ kā taqāza hai jāda-e-ġham meñ
nazar ke saath fareb-e-nazar ko yaad karo

koī fareb ki ham jis se dil ko bahlā.eñ
talāsh karte haiñ ḳhat us ne jo likhe hī nahīñ

agarche ye dil-fareb rasta bhī ḳhār-zāroñ kī anjuman hai
magar mirā jī ye chāhtā hai ki aable ḳhud hī phuuT jaa.eñ

na-jāne chhīn le kab ham se shaah kā kirdār
fareb-e-umr tirī dāstāñ meñ kyā rahnā

samajh liyā thā kabhī ik sarāb ko dariyā
par ik sukūn thā ham ko fareb khāne meñ

ab tak asīr-e-dām-e-fareb-e-hayāt huuñ
mujh ko bhulā diyā mire parvardigār ne

yahī umr bhar kā dukh hai yahī zindagī kā sukh hai
na koī fareb-e-hastī na shu.ūr-e-dil-rubā.ī

khaḌe hue ho miyāñ gumbadoñ ke saa.e meñ
sadā.eñ de ke yahāñ par fareb khānā kyā

tasvīr aur tasavvur-e-jānāñ ye sab fareb
maiñ un se duur un ke nazāroñ ko kyā karūñ

kañval khilā thā mohabbat kā jis ke paanī par
vo jhiil us ke kināre fareb dete rahe

tamām raat meñ chaltā rahā huuñ kāñToñ par
tamām raat sitāre fareb dete rahe

yaqīn miltā rahā thartharāte hoñToñ se
magar nazar ke ishāre fareb dete rahe

kisī ko rāj-dulāre fareb dete rahe
kisī ko jaan se pyāre fareb dete rahe

vafā na kartā agar ik hasīñ to baat bhī thī
'asad' ko saare ke saare fareb dete rahe

sarāb bantā gayā pal meñ har hasīñ manzar
mujhe to saare nazāre fareb dete rahe

aql kahtī hai dobāra āzmānā jahl hai
dil ye kahtā hai fareb-e-dost khāte jā.iye

kab tak fareb khāte raheñ qaid meñ raheñ
ye soch kar asiir se sayyād ho ga.e

fareb-e-jalva kahāñ tak ba-rū-e-kār rahe
naqāb uThāo ki kuchh din zarā bahār rahe