Tags-Dhoka

meñ jāntā huuñ tumhārī haqīqat-e-hastī
ḳhizāñ-nasīb bahāro mujhe fareb na do

aqdār ke fareb meñ ab aa chukā 'nazar'
kashtī Dubo gayā jo ḳhudā, nāḳhudā huā

bahut fareb se ham vahshiyoñ ko vahshat hai
hamāre dasht meñ 'nāsiḳh' kahīñ sarāb nahīñ

samajhte haiñ jise manzil fareb-e-rāh-e-manzil hai
magar chup huuñ ye majbūrī sharīk-e-kārvāñ ho kar

kuchh un pe e'timād hai kuchh apnī zaat par
zo.am-e-fareb yūñhī nibhāte hue chale

ye be-yaqīnī kā gahrā sukūt to TuuTe
fareb de koī ḳhush-fahmiyoñ meñ Daal mujhe

hazār husn kī fitrat se ho koī āgāh
nigāh-e-lutf ke sab hī fareb khāte haiñ

phañsā detā hai murġh-e-dil ko dām-e-zulf-e-pechāñ meñ
tumhāre ḳhāl-e-ruḳh ko bhī fareb-e-dāna aatā hai

magar us ko fareb-e-nargis-e-mastāna aatā hai
ulaTtī haiñ safeñ gardish meñ jab paimāna aatā hai

sar-e-manzil fareb-e-rahnumā kā toḌ mushkil thā
ġhanīmat hai ki shauq-e-marhala-ījād baaqī hai

har chiiz aa rahī hai nazar apne ruup meñ
utrā huā fareb-e-nazar kā libās hai

sau tarah ke fareb detī hai
sau banātī hai sūrateñ titlī

faqat jo chitvan pe ġhaur kiije to vo bhī vo sehr hai ki jis kā
karishma banda ġhulām ġhamza daġhā.eñ naukar fareb chākar

fāqa-kashoñ ke ḳhuun meñ hai josh-e-intiqām
sarmāya ke fareb jahāñ-parvarī kī ḳhair

ham mukarrar fareb kyā khā.eñ
lutf rahne do mehrbāñ apnā

nazar-fareb nazāre jahāñ ke ai 'fāzil'
fareb-e-husn-e-nazar ke sivā kuchh aur nahīñ

faroġh-e-husn shaguft-e-gul o ram-e-shabnam
fareb kaise ye 'shāhid' koī sujhā.e use

sukūt-e-lab ko shikasta-dilī samajhte haiñ
ye kam-nigāh fareb-e-ḳhudī samajhte haiñ

maiñ fareb-e-shām kī bāhoñ meñ gum thā aur mirā
sub.h kī pahlī kiran tak intizār us ne kiyā

na samjhe dil fareb-e-ārzū ko
na ham chhoḌeñ tumhārī justujū ko