Tags-Dhoop

kar diye sard masarrat kī ghaTā ne jazbāt
ruuh ko ġham kī zarā dhuup dikhāo yaaro

sardiyoñ kī gungunī sī dhuup ke ehsās tak
mere man kī chāñdnī mujh ko bulā kar le ga.ī

duā hī vaj.h-e-karāmāt thoḌī hotī hai
ġhazab kī dhuup meñ barsāt thoḌī hotī hai

in añdherī rātoñ ke ḳhaufnāk sāyoñ se bach ke sub.h tak jī leñ
zahr dhuup kā chakh kar maut ko ziyā baḳhsheñ aao phir ġhazal kah leñ

kabhī dalāl kabhī mantarī ke chakkar meñ
thī dauḌ dhuup mirī naukrī ke chakkar meñ

kamre meñ aa ke baiTh ga.ī dhuup mez par
bachchoñ ne khilkhilā ke mujhe bhī jagā diyā

maiñ huuñ ki kaḌī dhuup ke sahrā meñ ghirā huuñ
saaya kahīñ miltā hī nahīñ shāḳh-e-shajar kā

khilī hai dil meñ kisī ke badan kī dhuup 'shakeb'
har ek phuul sunahrā dikhā.ī detā hai

ham to ḳhizāñ kī dhuup meñ ḳhūn-e-jigar chhiḌak chale
mausam-e-gul kī chāndnī kis ko mile ḳhabar nahīñ

kis ko ḳhabar ki ham se kab aap nigāh pher leñ
nashsha to dhuup chhāñv hai baada bhī mo'tabar nahīñ

jazbe kī kaḌī dhuup ho to kyā nahīñ mumkin
ye kis ne kahā sañg pighaltā hī nahīñ hai

dhuup jaisī chiḌiyā ke
saa.e par bhigote haiñ

din jaise sāthī ke dukh meñ
ro ro kar mar jaatī dhuup

chalte rahnā hī jīvan hai
ham ko ye samjhātī dhuup

khel-kūd kar shaam Dhale kyuuñ
apne ghar ko jaatī dhuup

din muñh khole gaatī dhuup
raat se kyuuñ sharmātī dhuup

kabhī kabhī achchhī lagtī hai
halkī sī barsātī dhuup

ek saa.e kī talab meñ zindagī pahuñchī yahāñ
duur tak phailā huā hai mujh meñ manzar dhuup kā

dhuup hai masā.il kī aur ik 'bashar' tanhā
kaash sar pe rishtoñ ke sā.ebāñ rahe hote

kyā vahī aa.egī le kar chilchilātī dopahar
ik suhānī dhuup jo lagtī bhalī sī hai abhī