English
Favourite
Favourite
UrduShayarUrduShayar
Expand menu
Sign inAccount

Tags-Dhoop

vo chakā-chauñd hai niklegā na ghar se koī
dhuup agar chhiTke vo hañstā huā chehra dekhūñ
Ghazal
 chand ko reshmi baadal se ulajhta dekhun
ham musāfir haiñ sulagtī dhuup jaltī raah ke
vo tumhārā rāsta hai jis meñ āsānī bhī hai
Ghazal
 hai samundar samne pyase bhi hain pani bhi hai
gudgudātī hai tasavvur ko tire ruup kī dhuup
mere jazbāt kī shahnā.ī ġhazal gaatī hai
Ghazal
 jab teri yaadon ki purwai ghazal gati hai
jab āsmān par mah-o-aḳhtar palaT kar aa.e
ham ruḳh pe din kī dhuup liye ghar palaT kar aa.e
Ghazal
 jab aasman par mah-o-aKHtar palaT kar aae
dhuup usī rāste meñ aatī hai
ek darvāza hai makān meñ ḳhush
Ghazal
 wo kahan qasr-e-ali-shan mein KHush
dhuup bahrūp pighaltā sonā
chāñdnī āb-e-ravāñ thī pahle
Ghazal
 aisi mushkil mein na jaan thi pahle
bārāñ kī iltijāoñ meñ vaqf-e-duā the jo
peḌoñ ke haath dhuup kī zad meñ pighal ga.e
Ghazal
 wo saneha hua tha ki bas dil dahal gae!
jaane kyuuñ gum ho ga.ī barkhā kī dhuup
ruḳh mirā jab sū-e-chilman ho gayā
Ghazal
 aap hi apna main dushman ho gaya
maiñ ne kahā ke ret ke pahlū meñ kyā chhupā
kahne lage ke dhuup kī chādar bichhā ke dekh
Ghazal
 maine kaha ke chand ki raushan misal do
kis kaḌī dhuup ke safar meñ haiñ
naam peḌoñ pe jin ke likkhe the
Ghazal
 faisle wo na jaane kaise the
jis peḌ kī chhāñv bhī lage dhuup kī sūrat
us peḌ pe panchhī bhī baserā nahīñ karte
Ghazal
 munh apni riwayat se phera nahin karte
dhuup roke khaḌī hai kis ke liye
ye sar-e-rah qatār peḌoñ kī
Ghazal
 qurbaten baDh gai nigahon ki
falak pe ghor ghaTā.eñ sarāb hone lagīñ
saroñ pe dhuup kā jis vaqt sā.ebān khulā
Ghazal
 saba ka raaz bhi phulon ke darmiyan khula
sahrā-e-jāñ kī dhuup meñ thiiñ vahshateñ bahut
lekin na merā azm kahīñ bad-havās thā
Ghazal
 main kab rahin-e-reg-e-bayaban-e-yas tha
dhuup ḳhushiyoñ kī baḌh ga.ī hai bahut
ġham kā phir sā.ebān kar diije
Ghazal
 yun mujhe be-nishan kar dije
peḌ jo detā hai saaya dhuup meñ rahtā hai vo
raushnī detā hai jo vo raushnī paatā nahīñ
Ghazal
 be-zamiron ke kabhi jhanse mein main aata nahin
ghar meñ bhī huuñ aur mujh ko dasht meñ bhī
dhuup meñ jalte hue dekhā gayā hai
Ghazal
 aag mein jalte hue dekha gaya hai
vo sardiyoñ kī dhuup kī tarah ġhurūb ho gayā
lipaT rahī hai yaad jism se lihāf kī tarah
Sher
 wo sardiyon ki dhup ki tarah ghurub ho gaya
gale lag kar mire vo jaane hañstā thā ki rotā thā
na khul kar dhuup phailī thī na bādal khul ke barsā thā
Ghazal
 gale lag kar mere wo jaane hansta tha ki rota tha
māñgī nahīñ hai maiñ ne kisī āsmāñ se dhuup
zinda huuñ apne hāthoñ meñ apnā jahāñ liye
Ghazal
 akasr meri zamin ne mere imtihan liye
Top Urdushayar.com