English
Favourite
Favourite
UrduShayarUrduShayar
Expand menu
Sign inAccount

Tags-Dhoop

ajiib rasm chalī hai ki is zamāne meñ
avaam dhuup meñ kursī hai shāmiyāne meñ
Nazm
 kursi
dhuup meñ us ne kis kī ḳhātir
chhat par chāñd ugā rakkhā hai
Ghazal
 uzr hawa ne kya rakkha hai
maiñ shiddat dhuup kī jab sah chukā huuñ
koī aise hī bādal ho rahā hai
Ghazal
 hamara masala hal ho raha hai
yaqīñ kī dhuup meñ saaya bhī kuchh gumān kā hai
yahī to vaqt musāfir ke imtihān kā hai
Ghazal
 yaqin ki dhup mein saya bhi kuchh guman ka hai
dīvār kyā khaḌī huī āñgan ke darmiyāñ
chhat se utartī dhuup bhī sahmī huī rahī
Ghazal
 dariya tha sath phir bhi ajab bebasi rahi
maiñ ki huuñ dhuup kā āzād parinda lekin
baal kyuuñ noch rahe haiñ mire par se bādal
Ghazal
 guftugu kyun na karen dida-e-tar se baadal
dhuup meñ ho barf-bārī to 'amīr'
sañg ko shīsha ugalnā chāhiye
Ghazal
 waqt se aage nikalna chahiye
yūñhī dushman nahīñ dar aayā mire āñgan meñ
dhuup ko raah milī peḌ kī uryānī se
Ghazal
 chashm be-KHwab hui shahr ki virani se
dikhā rahī hai jahāñ dhuup ab asar apnā
bikhertā thā vahīñ saaya ik shajar apnā
Ghazal
 dikha rahi hai jahan dhup ab asar apna
sā.atoñ kī dhuup ne jab bhī tasallī dī ghanī
qadd-o-qāmat apne saa.e kā milā hai muḳhtalif
Ghazal
 ahl-e-duniya ke liye ye majra hai muKHtalif
aaj kuchh aise sho.ale bhaḌke bārish ke har qatre se
dhuup panāheñ maañg rahī hai bhīge hue daraḳhtoñ meñ
Ghazal
 suraj aankhen khol raha hai sukhe hue daraKHton mein
purvā.ī se laḌte kitne varaq purānī yādoñ ke
sauġhātoñ ke sandūqoñ ko dhuup dikhātī do-pahreñ
Ghazal
 yunhi kisi ke dhyan mein apne aap mein gati do-pahren
phaTī-purānī kathrī oḌhe dhuup señkte būḌhe din
peshānī tak pallū khīñche chilam banātī do-pahreñ
Ghazal
 yunhi kisi ke dhyan mein apne aap mein gati do-pahren
saare ghar meñ shaam Dhale tak khel vo dhuup aur chhāñv kā
lappe patte kachche āñgan meñ loT lagātī do-pahreñ
Ghazal
 yunhi kisi ke dhyan mein apne aap mein gati do-pahren
rāste dhuup se pighle hī chale jaate haiñ
aap bādal haiñ to phir shahr pe saayā kiije
Ghazal
 mere raste mein bhi ashjar ugaya kije
suukh jaane ke haiñ dariyāoñ ke imkān bahut
barf ke phuul khile dhuup ke daane nikle
Ghazal
 ab masiha tere aane ke bahane nikle
gesū ruḳh-e-raushan se vo Talne nahīñ dete
din hote hue dhuup nikalne nahīñ dete
Ghazal
 gesu ruKH-e-raushan se wo Talne nahin dete
tumhāre jism jab jab dhuup meñ kaale paḌe hoñge
hamārī bhī ġhazal ke paañv meñ chhāle paḌe hoñge
Ghazal
 tumhaare jism jab jab dhup mein kale paDe honge
tere rindoñ ko jalātī rahī sahrāoñ kī dhuup
kitnā be-faiz tirī zulfoñ kā saaya niklā
Ghazal
 KHub naseh ki nasihat ka natija nikla
hamesha dhuup kī chādar pe takiya kaun kartā hai
khulī chhat hai to phir barsāt kā bhī sāmnā hogā
Sher
 hamesha dhup ki chadar pe takiya kaun karta hai
Top Urdushayar.com