Tags-Dhoop

sahrā kī garm dhuup meñ bāġh-e-bahisht hai
tinkoñ se tere haath kā pañkhā banā huā

paanī ne jise dhuup kī miTTī se banāyā
vo dā.era-e-rabt bigaḌne ke liye thā

basoñ kā shor dhuāñ gard dhuup kī shiddat
buland o baalā imārāt sar-nigūñ insāñ

dhuup ho chāñdnī ho bārish ho
ek chehra ki ḳhvāb jaisā hai

hauz ke saath saath ugī sabz ghaas par
dhuup kī larzisheñ

kuchh der kisī zulf ke saa.e meñ Thahar jaa.eñ
'qābil' ġham-e-daurāñ kī abhī dhuup kaḌī hai

havā ke saath mohabbat ke dhūp-sahrā meñ
guloñ ko bhī ḳhas-o-ḳhāshāk honā paḌtā hai

duur sahrā kī kaḌī dhuup meñ chhāñv jaisā
vo to lagtā thā mujhe merī duāoñ jaisā

sajā.e bāzuoñ par baazū vo maidāñ meñ tanhā thā
chamaktī thī ye bastī dhuup meñ tārāj o ġhārat sī

dhuup kisī bhī ghar jaa.e
mere āñgan meñ pīpal

sahelī saath chalte haiñ chal us kī chhāñv meñ ham
ġhazab kī dhuup meñ ik abr-pāra mil gayā hai

vo ek dal jo kaḌī dhuup meñ jhulastā thā
use bhī sāya-e-zulf-e-butāñ ne yaad kiyā

dhuup ke lambe safar ke ba.ad ham
saañs leñge saa.e meñ ruk kar kahīñ

dhuup ne hañs kar kahā dekhā tujhe pighlā diyā
barf kyā kahtī nafāsat ne Duboyā hai use

kasīf dhuup se jal jā.egā hasīn badan
mirī umiid kā jab sā.ebān TūTegā

sapnoñ kī garm chādareñ oḌhe hue the log
utrī thī dhuup shahr meñ kab bolne na paa.e

ujaaḌ sī dhuup
aadhī saa.at

dahakte sahrā meñ dhuup khā kar
shafaq kī rañgat utar chukī hai

tirī chāhatoñ kā ye silsila kisī dhuup chhāñv ke khel sā
kabhī puus maagh kī dhuup sā kabhī naġhma-ḳhvāñ kabhī chashm-e-nam

mirī zindagī hai sarāb sī kabhī maujzan kabhī tishna-dam
kabhī intizār kī dhuup sī kabhī qurbatoñ kā koī bharam