Tags-Dil

nashtar-e-mizhgāñ kī tezī ke sabab
ek kāñTā hai dil-e-pur-ḳhār meñ

ḳhair ho 'parvīñ' dil-e-muztar mirā
le chalā phir kūcha-e-dildār meñ

jhūlā jhulā rahī thī mujhe dil kī aarzū
sab jāgte the aur meñ sotā chalā gayā

zabān ruk ga.ī āḳhir sahar ke hote hii!
tamām raat kaTī dil se guftugū karte

aisī ḳhushbū tū mujhe aaj mayassar kar de
jo mirā dil mirā ehsās mo.attar kar de

ḳhushk phir hone lage zaḳhm dil-e-bismil ke
apnī chāhat kī namī de ke unheñ tar kar de

vus.at-e-dil ko zarā aur baḌhā de yārab
ye jo gāgar hai ise pyaar kā sāgar kar de

muntazir maiñ huuñ 'suman' koī kahīñ se aa kar
dil abhī tak jo makāñ hai vo use ghar kar de

na jaane kis kī yaad ne lī dil meñ gudgudī
aa.ina dekh dekh ke sharmā rahe haiñ ham

duniyā ke kārobār se matlab nahīñ 'majīd'
dil ko ḳhayāl-e-yār se bahlā rahe haiñ ham

sabā ke haath meñ narmī hai un ke hāthoñ kī
Thahar Thahar ke ye hotā hai aaj dil ko gumāñ

tujhe kis tarah chhuḌā.ūñ ḳhalish-e-ġham-e-nihāñ se
dil-e-be-qarār lā.ūñ unheñ DhūñDh kar kahāñ se

vo bahār kaash aa.e vo chale havā-e-dil-kash
ki qafas pe phuul barseñ mirī shāḳh-e-āshiyāñ se

kyā haal ab us se apne dil kā kahiye
manzūr nahīñ ye bhī ki be-jā kahiye

ishq ke phande se bachiye ai 'haqīr'-e-ḳhasta-dil
is kā hai āġhāz shīrīñ aur hai anjām talḳh

aas Duubī to dil huā raushan
bujh gayā dil to dil ke daaġh jale

baḌī umr ke ba.ad in āñkhoñ meñ koī abr utrā tirī yādoñ kā
mire dil kī zamīñ ābād huī mire ġham kā nagar shādāb huā

kabhī vasl meñ 'mohsin' dil TuuTā kabhī hijr kī rut ne laaj rakhī
kisī jism meñ āñkheñ kho baiThe koī chehra khulī kitāb huā

na.ī kamāñ hai na.ī mashq hai na rok nigāh
harīm-e-dil ko mukammal tabāh karne de

mohabbat tū mat kar dil us bevafā se
dil us bevafā se mohabbat tū mat kar