Tags-Dil

mire nāsehā mire nukta-chīñ tujhe mere dil kī ḳhabar nahīñ
maiñ harīf-e-maslak-e-bandagī tujhe sañg-e-dar kī talāsh hai

Duub jaane kā salīqa nahīñ aayā varna
dil meñ girdāb the lahroñ kī nazar meñ ham the

tasallī ab huī kuchh dil ko mere
tirī galiyoñ ko suunā dekh aayā

ham jo luTe us shahr meñ jā kar dukh logoñ ko kyuuñ pahuñchā
apnī nazar thī apnā dil thā koī parāyā maal na thā

kyuuñ pareshāñ hai ai dil-e-mahzūñ
daulat-e-lā-zavāl haiñ ham log

hamesha ḳhūn-e-dil royā huuñ maiñ lekin salīqe se
na qatra āstīñ par hai na dhabbā jaib o dāman par

jītne mārka-e-dil vo lagātār gayā
jis ghaḌī fat.h kā ailān huā haar gayā

in dinoñ zehn kī duniyā meñ hai masrūf bashar
dil kī tahzīb ga.ī dard kā bevhār gayā

'sāz' hai dil-zada ab bhī tire sheroñ ke tufail
ham to samjhe the ki ai miir ye āzār gayā

bekalī se dil-e-betāb kī mar guzre the
so tah-e-ḳhāk bhī ārām na paayā ham ne

ye sitam taaza huā aur ki pā.īz meñ 'mīr'
dil ḳhas-o-ḳhār se nā-chār lagāyā ham ne

ye dil ye aaseb kī nagrī maskan sochūñ vahmoñ kā
soch rahā huuñ is nagrī meñ tū kab se mehmān huā

itnī der meñ ujḌe dil par kitne mahshar biit ga.e
jitnī der meñ tujh ko pā kar khone kā imkān huā

gar vo aate mirī ayādat ko
zaḳhm-e-dil mere bhar ga.e hote

kuchh nahīñ is ke sivā mere tasarruf meñ yahāñ
dil kā bas jitnā ilāqa dard kī jāgīr hai

mujh ko goyā.ī pe uksāyā thā dil ne ek baar
aaj tak hoñToñ pe qaa.em lazzat-e-taqrīr hai

dāman ke daaġh ashk-e-nadāmat ne dho diye
lekin ye dil kā daaġh miTāyā na jā sakā

kitnī ghaTā.eñ aa.iiñ baras kar guzar ga.iiñ
shola hamāre dil kā bujhāyā na jā sakā

zaḳhm kaarī bahut lagā dil par
tiir apnoñ ne ik chalāyā thā

dil ko zaḳhmoñ se chuur honā thā
ishq kī raah par chalāyā thā