Tags-Dil

shukr-e-ġham hai ki dil ke maidāñ meñ
aah o naale ke haiñ nishān khaḌe

us ke tīr-e-nigāh kī daulat
haiñ dar-e-dil pe mehmān khaḌe

pareshāñ ho ke dil tark-e-ta.alluq par hai āmāda
mohabbat meñ ye sūrat bhī na raas aa.ī to kyā hogā

mujhe paiham mohabbat kī nazar se dekhne vaale
mire dil par tirī tasvīr utar aa.ī to kyā hogā

bahut masrūr haiñ vo chhīn kar dil kā sukūñ 'unvāñ'
hujūm-e-ġham meñ bhī mujh ko hañsī aa.ī to kyā hogā

maiñ ne tum ko dil diyā aur tum ne mujhe rusvā kiyā
maiñ ne tum se kyā kiyā aur tum ne mujh se kyā kiyā

saḌkoñ pe tirī phirtā thā maarā maarā
dil ġham se huā jaatā thā paarā paarā

kuchh der se hai rañg-e-tamāshā rukā huā
ik tiir dil se paar nahīñ kar rahā huuñ maiñ

kitne savāl haiñ ab bhī aise jin kā koī javāb nahīñ
pūchhne vaalā pūchh ke un ko apnā dil bahlātā hai

ġham bahut din muft kī khātā rahā
ab use dil se nikālā chāhiye

kisī sitāre se kyā shikāyat ki raat sab kuchh bujhā huā thā
fasurdagī likh rahī thī dil par shikastagī kī na.ī kahānī

ishq meñ kuchh is tarah dīvāngī chhā.ī ki bas
kūcha-e-arbāb-e-dil se ye sadā aa.ī ki bas

dekh kar vo bāñkpan vo husn vo rañgīñ shabāb
dil kī hasrat ne bhī āḳhir lī vo añgḌā.ī ki bas

chalā tū bhī jo ai dil lene vaale
hamāre paas phir baaqī rahā kyā

mohabbatoñ kā safar is tarah bhī guzrā thā
shikasta-dil the musāfir shikasta-pā.ī na thī

ḳhudāyā jazba-e-dil kī magar tāsīr ulTī hai
ki jitnā khīñchtā huuñ aur khiñchtā jaa.e hai mujh se

kabhī ishq sāz-e-hayāt thā kabhī soz-e-dil ne jalā diyā
kabhī vasl meñ bhī kasak rahī kabhī dard-o-ġham ne bhī mazā diyā

udāsī chhā ga.ī chehre pe sham-e-mahfil ke
nasīm-e-sub.h se shole bhaḌak uThe dil ke

sharīk-e-hāl nahīñ hai koī to kyā parvā
dalīl-e-rāh-e-mohabbat haiñ valvale dil ke