Tags-Dil

pardes meñ bas zehn se ābād hai 'āsim'
dil se nahīñ kar paayā kabhī naql-e-makānī

jab dekhūñ huuñ kartī hai mire dil ko pareshāñ
āshuftagī-e-turra-e-tarrār ġhazab hai

lau detī hai tasvīr nihāñ-ḳhāna-e-dil meñ
lāzim nahīñ is phuul kā poshāk pe honā

iblīs mire dil meñ vo zinda tamannā de
jo ġhairoñ ko apnā le aur apnoñ ko Tarḳhā de

paidā dil-e-votar meñ vo shorish-e-mahshar kar
jo josh-e-election meñ Dañkā mirā bajvā de

TuuTā jo hamārā shīsha-e-dil
pahuñchegī falak tak us kī gul-bāñg

jhilmilātā hai mirī aañkh meñ aañsū ban kar
aa gayā raas mujhe dil meñ utārā huā ishq

mire dil kī taraf ik baar bhejī thī kiran us ne
bhulā dī chāñd ne us raat se tābindagī apnī

dil kā sukūñ luTā to sar kyuuñ rahā salāmat
kyuuñ zinda lauT aa.e ham 'arsh' us ke dar se

khajūrī choTī adā meñ moTī jafā meñ lambī vafā meñ chhoTī
hai aisī khoTī ki dil har ik kā har ek laT meñ laTak rahā hai

vo nīchī kāfir siyāh paTTī ki dil ke zaḳhmoñ pe bāñdhe paTTī
paḌhī hai jis ne ki us kī paTTī vo paTTī se sar Tapak rahā hai

vo māthā aisā ki chāñd nikhre phir us ke uupar vo baal bikhre
dil us ke dekhe se kyuuñ na bikhre ki misl-e-sūraj chamak rahā hai

vo peT dil ko lapeT leve vo naaf jī ko sameT leve
mazār jī kā jhapeT leve kuchh aisā peḌū phaḌak rahā hai

'nazīr' ḳhūbī maiñ us parī kī kahūñ kahāñ tak sanā banā kar
sifat sarāpā meñ jis ke likhne dil ab usī se aTak rahā hai

ubhar rahe haiñ fazāoñ meñ sub.h ke āsār
ye aur baat mire dil kā Dūbnā na gayā

ye kah kah ke ham dil ko bahlā rahe haiñ
vo ab chal chuke haiñ vo ab aa rahe haiñ

hamāre hī dil se maze un ke pūchho
vo dhoke jo dānista ham khā rahe haiñ

jigar-e-soḳhta haiñ aur dil-e-biryāñ haiñ ham
sho.ale kī tarah sadā dīda-e-giryāñ haiñ ham

fikr-e-jam.iyyat-e-dil ham ko kahāñ aah 'hasan'
ḳhātir-āshufta-e-gesū-e-pareshāñ haiñ ham

faiz pahuñche haiñ jo bahāroñ se
pūchhte kyā ho dil-nigāroñ se