Tags-Dil

ajab nahīñ ki bapā ho yahīñ se fitna-e-hashr
zamāne bhar meñ haiñ saare fasād isī dil ke

mushāhide ko ik ā.īna-e-jamāl diyā
kamāl-e-ishq ne jauhar dikhā diye dil ke

behāl dil kā haal karūñ to ġhazal kahūñ
jiine kā phir malāl karūñ to ġhazal kahūñ

dil to misāl-e-sañg hai TūTegā kyā bhalā
ḳhasta-jigar kā haal karūñ to ġhazal kahūñ

āsmāñ aisā bhī kyā ḳhatra thā dil kī aag se
itnī bārish ek shole ko bujhāne ke liye

vahshat-e-dil fuzūñ to hai haal mirā zubūñ to hai
ishq nahīñ junūñ to hai us ke asar ko kyā karūñ

teshe se bajātā phirūñ maiñ barbat-e-kohsār
naġhme jo mire dil meñ haiñ patthar se nikālūñ

har taraf imbisāt hai ai dil
aur tire ghar meñ raat hai ai dil

ishq in zālimoñ kī duniyā meñ
kitnī mazlūm zaat hai ai dil

merī hālat kā pūchhnā hī kyā
sab tirā iltifāt hai ai dil

aur bedār chal ki ye duniyā
shātiroñ kī bisāt hai ai dil

sirf us ne nahīñ diyā mujhe soz
is meñ terā bhī haat hai ai dil

mundamil ho na jaa.e zaḳhm-e-darūñ
ye mirī kā.enāt hai ai dil

husn kā ek vaar sah na sakā
Duub marne kī baat hai ai dil

pa.e tāzīm-e-dard uThtā hai ai nāvak-fagan dil meñ
qadam-ranja jo tere nāvak-e-bedād karte haiñ

na itnī duur jā.iye ki log pūchhne lageñ
kisī ko dil kī kyā ḳhabar ye haath to milā rahe

abhī lā kī manzil-e-saḳht meñ huuñ fareb-o-vahm-o-gumāñ liye
mire dil meñ phir bhī basā huā tirā naam radd-e-balā sā hai

chaman suuñ dil ke aalam ko ḳhabar nahiñ
hamesha dekhte ḳhākī badan ko

kar aa.uuñ sair dil ke bostāñ kā
na jaave vo kabhī hargiz chaman ko

qarīb dekh ke us ko ye baat kis se kahūñ
ḳhayāl dil meñ jo aayā gunāh jaisā thā