Tags-Dil

aa gayā zulf ke dam meñ dil-e-nādāñ apnā
apne hāthoñ se kiyā haal pareshāñ apnā

tum sambhāloge to dil apnā sambhal jā.egā
varna qaabū nahīñ dil par shab-e-hijrāñ apnā

saaf rusvā.ī ke āsār nazar aate haiñ
kahne sunñe meñ nahīñ hai dil-e-nādāñ apnā

dil koī chiiz nahīñ terī mohabbat ke baġhair
maiñ to samjhā thā ġham-e-ishq ko mehmāñ apnā

dil-e-dīvāna raat se gum hai
kahīñ us kā patā nahīñ miltā

hañs ke bolā ki o miyāñ us se
kyā karūñ dil mirā nahīñ miltā

jo aaj siine ke ek kone meñ ḳhāmushī se paḌā huā hai
ye dil surayyā ke paar duniyā meñ paañv dhartā javāñ huā thā

tum bhī na jaan pāoge is dil kā iztirāb
tum ne to ek umr guzārī hai jism meñ

tab se ajiib sog meñ Duubā huā hai dil
kuchh ḳhvāhishoñ ne jaan jo haarī hai jism meñ

dil TūTne kā band ye rañj-o-malāl kar
ab pheñknā ye kāñch kahāñ hai ḳhayāl kar

nāsūr ho gayā thā ye nā-qābil-e-rafū
dil pheñknā paḌā hameñ āḳhir nikāl kar

ik Thikāna thā jahāñ bahlā liyā kartā thā dil
aaj us mahfil ko bhī zer-o-zabar paatā huuñ maiñ

aa ga.ī hai yaad aaj apne dil-e-marhūm kī
saarī duniyā sog meñ Duubī huī paatā huuñ maiñ

raushnī detā huuñ sab ko ik bujhe dil se 'nazīr'
apnī sard aahoñ se har mahfil ko garmātā huuñ maiñ

kyā bachā.ūñ daan meñ kyā duuñ samajh aatā nahīñ
daulat-e-dil māñgtā hai mujh se ik saa.il mirī

koī apne se gilā hotā na 'sājid' dahr se
ġhaur se ik baat sun letā agar ye dil mirī

dil laraz rahā hai kyuuñ is ke ḳhat ko pā kar bhī
harf hans hai haiñ kyuuñ rañg ruḳh uḌā kar bhī

tujh se duur rah kar bhī dil girafta rahte the
ek ajiib uljhan hai tere paas aa kar bhī

chehre haiñ kahte haiñ ā.īne pashemāñ haiñ
hai ajiib hairānī bazm-e-dil sajā kar bhī

sila mile na mile ḳhūn-e-dil chhiḌakte chaleñ
har ek ḳhaar hai dast-e-talab baḌhā.e hue