Tags-Dil

dil kā dukh jaanā to dil kā mas.ala hai par hameñ
us kā hañs denā hamāre haal par achchhā lagā

jab kabhī terī yaad aa.ī hai
har kalī dil kī muskurā.ī hai

dil ne bas terī aarzū ke tufail
har ḳhushī zindagī kī paa.ī hai

-jāda-e-manzil-e-mohabbat meñ
dil ne sau baar choT khaa.ī hai

chhalak rahā hai tire dil kā dard chehre se
chhupā chhupā ke mohabbat ko dāstāñ mat kar

ḳhairiyat matlūb hai dildār kī
dāstāñ mat chheḌiye sansār kī

hai ajab sūrat yahāñ takrār kī
dil kī māneñ baat yā dildār kī

ḳhāsiyat ye dil ke hai darbār kī
qadr hotī hai yahāñ bas pyaar kī

dil meñ rahte haiñ magar anjān se
jaane kyā marzī hai apne yaar kī

hai farq baḌā ai jān-e-'razā' dil dene meñ dil lene meñ
ulfat kā ta.alluq jaan ke bhī rishte kī nazākat kyā jaano

dil mirā aTkā hai chashm-e-yār se
hai mohabbat mardum-e-bīmār se

haiñ ayaañ kuchh ishq ke āsār se
sho.ale uThte haiñ dil-afgār se

kyuuñ na dil apnā nazār-o-zār ho
kuchh nazar aate ho tum bezār se

rashk se dil meñ na kyuuñ jal jaa.e sham.a
lau nikaltī hai tire ruḳhsār se

kūcha-e-kākul meñ kho kar naqd-e-dil
mol saudā laa.e ham bāzār se

har qadam par shor-e-mahshar hai bapā
piste haiñ dil aap kī raftār se

zulf-o-āriz chashm-o-abrū ḳhāl-o-ḳhat
dil nahīñ bachtā inhīñ do-chār se

ek gul-rū par huā dil daaġh daaġh
phuul laa.e aaj ham gulzār se

dil apnā ā.īna se saaf ishq-e-pāk rakhtā hai
tamāshā dekhtā hai husn is meñ ḳhud-numā.ī kā

mujh ko na dil pasand na vo bevafā pasand
donoñ haiñ ḳhud-ġharaz mujhe donoñ haiñ nā-pasand