Tags-Dil

rasm-e-ulfat se hai maqsūd-e-vafā ho ki na ho
zaḳhm-e-dil aur ho ḳhūn-basta-e-shifā ho ki na ho

naġhma-dar-jāñ raqs barpā ḳhanda-bar-lab
dil tamannāoñ ke be-pāyāñ alaav ke qarīb

dhīre dhīre sar meñ aa kar bhar gayā barsoñ kā shor
rafta rafta ārzu-e-dil dhuāñ hone lagī

lo yaqīñ aayā ki dil ke dard kī tāsīr hai
ab to ik ik chiiz ham se ham-zabāñ hone lagī

tujh ko apne ġham kā to ehsās ho
apne pahlū meñ dil-e-hassās rakh

be-kasāna jī giraftārī se shevan meñ rahā
ik dil ġham-ḳhvār rakhte the so gulshan meñ rahā

darpai dil hī rahe us chehre ke ḳhāl-e-siyāh
Dar hameñ un choñtoñ kā roz-e-raushan meñ rahā

dil se guzrī kabhī sar se guzrī
bas yūñhī umr hamārī guzrī

jo chashm-o-dil se chaḌhā duuñ naale ba-āb-e-avval dovam-ba-ātish
to māh-o-ḳhur ke bharūñ pyāle ba-āb-e-avval dovam-ba-ātish

jo chashm rove to dil bhī aahoñ meñ merī laḳht-e-jigar pirove
jape vo sumran tirī ye maale ba-āb-e-avval dovam-ba-ātish

mabād furqat meñ chashm-o-dil kī ye ashk-rezī aur āh-ḳhezī
balā-e-nāgah jahāñ pe Daale ba-āb-e-avval dovam-ba-ātish

ye kaisā kaam ai dast-e-masīh kar Daalā
jo dil kā zaḳhm thā vo hī sahīh kar Daalā

sho.ala jo maujzan hai mohabbat kā dil meñ aaj
Dar hai ki sarsar-e-ġham-e-daurāñ bujhā na de

go chal paḌā huuñ dil se magar chāhtā huuñ ye
uTh kar mujhe vo rok le aur rāsta na de

ushshāq bahut haiñ tire bīmār bahut haiñ
tujh husn-e-dil-ārām ke haqdār bahut haiñ

bechain kiye rakhtī hai har aan ye dil ko
kam-baḳht mohabbat ke bhī āzār bahut haiñ

dil meñ tire utar na sakī merī koī baat
likkhe haiñ laakh sher ġhazal ke sañvār ke

ek musht-e-ḳhāk ban ke uḌā dil kā kārvāñ
dasht-e-talab meñ ab bhī nishāñ haiñ ġhubār ke

dil khoTā hai ham ko us se rāz-e-ishq na kahnā thā
ghar kā bhedī lanka Dhaa.e itnā samjhe rahnā thā

hazār baar sukūn-e-hayāt kī had meñ
hazār baar kiyā dil ne be-qarār mujhe