Tags-Dil

aa ke duniyā meñ ai dil-e-nādāñ
kaam mat kar ulāhane vaale

kisī gul meñ nahīñ paane kī tū bū-e-vafā hargiz
abas apnā dil ai bulbul chaman meñ mat lagā hargiz

na the āshiq kisī be-dād par ham jab talak 'tābāñ'
hamāre dil ke ta.iiñ kuchh dard-o-ġham tab tak na thā hargiz

bhaTkūñgā maiñ is shahr kī galiyoñ meñ akelā
vo mujh ko mire dil kā ḳhalā ban ke milegā

kyā kahā phir to kaho dil kī ḳhabar kuchh bhī nahīñ
phir ye kyā hai ḳham-e-gesū meñ agar kuchh bhī nahīñ

dil jis kā dard-e-ishq kā hāmil nahīñ rahā
vo shaḳhs tere pyaar ke qābil nahīñ rahā

jab aap muskurā.e ġham-e-dil kī baat par
dil dard ko chhupāne ke qābil nahīñ rahā

tanhā.iyoñ kī bazm hī achchhī rahī 'ḳhayāl'
mahfil meñ pur-sukūn kabhī dil nahīñ rahā

ai zaḳhma-varān-e-barbat-e-dil
TuuTe hue taar yaad rakhnā

kyuuñ ā.īne meñ dekhā tū ne jamāl apnā
dekhā to ḳhair dekhā par dil sambhāl apnā

uTh gayā dil se duī kā pardā
chhup ke ab aap kahāñ jā.iyegā

kyā kiyā ishq ne kyuuñ hazrat-e-dil
ham na kahte the ki pachhtā.iyegā

sau dasht samundar chhāno par aate raho qarya-e-dil tak bhī
bairūnī havā ke jhoñkoñ meñ ik mauj-e-maqāmī rahne do

kabhī charāġh kabhī dil jalā ke dekh liyā
zarā sā rañg to badlā dhuāñ nahīñ badlā

chhupī hai tujh meñ koī shai use na ġhārat kar
jo ho sake to kahīñ dil lagā mohabbat kar

vo apne aap na samjhegā tere dil meñ hai kyā
ḳhalish ko harf banā harf ko hikāyat kar

abhī masjid-nashīn-e-tārūm-e-aflāk ho jaave
jo sab kuchh chhoḌ dil tere qadam kī ḳhaak ho jaave

tirā ḳhayāl rahā dil kī dhaḌkanoñ ke qarīñ
so tere ġham se kabhī be-ḳhabar nahīñ huī maiñ

mirī ḳhatāoñ pe ye bāz-purs mālik-e-hashr
atā huā thā kabhī dil pe iḳhtiyār mujhe

ai zabt-e-dil ye kaisī qayāmat guzar ga.ī
dīvāngī meñ chaak garebān ho gayā