Tags-Dil

mirā dil razā pe raazī karam us kā josh par hai
jo ab aa ga.ī zabāñ tak to asar gayā duā se

kisī dil kī aas yuuñ bhī kabhī 'ārzū' na TuuTe
ye kahe banī hai dam par vo kahe mirī balā se

vo teġh khīñche hue hai sar par maiñ sar jhukā.e huuñ ashk-e-rezāñ
dikhā.ūñ ai dil tujhe kidhar se falak pe bijlī zamīñ pe bārāñ

'nasīr' likkhī hai kyā ġhazal ye ki dil taḌaptā hai sun ke jis ko
bañdhe hai yuuñ kab kisī bashar se falak pe bijlī zamīñ pe bārāñ

nahīñ miTtīñ tirī yādeñ nadī meñ ḳhat bahāne se
ye akasr lauT aatī haiñ kisī dilkash bahāne se

sañg-dil be-mehr be-dīñ bevafā samjhe na ham
kar diye sadqe hasīnoñ par dil o jaañ bhuul kar

kar ke tauba qaul hai ab hazrat-e-dil kā yahī
ab kabhī leñge na nām-e-ishq-e-ḳhūbāñ bhuul kar

soz-e-dil dard-e-jigar ḳhūn-e-tamannā ashk-e-ġham
ek laġhzish kitne afsānoñ kā unvāñ ho ga.ī

ḳhaak dar-bar hī sahī maiñ ḳhaak bhī vo ḳhaak hai
jis meñ mere zaḳhm-e-dil kī bū bhī hai aur baas bhī

ḳhud ko ai dil yās-e-kāmil ke havāle yuuñ na kar
jhāñktī hai zehn ke ġhurfe se koī aas bhī

baam par the vo khaḌe lutf do-bālā hotā
mujh ko bhī dil ne uchhal kar jo uchhālā hotā

dil na sambhlā thā agar dekh ke jalva us kā
tū ne ai dard-e-jigar uTh ke sambhālā hotā

dil ke hāthoñ na milā chain kisī roz 'jalīl'
aise dushman ko na āġhosh meñ paalā hotā

charāġh qaum kā raushan hai arsh par dil ke
use havā ke farishte bujhā nahīñ sakte

vaqt badle to har ik rishta badaltā hai 'hasan'
dil meñ dīvār kahāñ pahle mire bhaa.ī thī

jo dil ko hai ḳhabar kahīñ miltī nahīñ ḳhabar
har sub.h ik azaab hai aḳhbār dekhnā

umr ke har varaq pe dil kī nazar
terī mehr-o-vafā ke baab aa.e

na ga.ī tere ġham kī sardārī
dil meñ yuuñ roz inqalāb aa.e

vo musībat jise duniyā ġham-e-dil kahtī hai
maiñ na rokūñ to ḳhudā jaane kahāñ tak pahuñche

raaz ik dil meñ liye phirte haiñ sahrā sahrā
koī hamrāz to ho shahr meñ aisā na huā