Tags-Dil

raḳht-e-dil ko thaam kar vo aa ga.ī haiñ ret par
ḳhvāhishoñ kī ḳhair ho un pagliyoñ kī ḳhair ho

dil kī raġhbat hai jab aap hī kī taraf
kis liye aañkh uThtī kisī kī taraf

jab na qasd-e-ḳhudī ke darīche khule
ahl-e-dil ho liye be-ḳhudī kī taraf

ham ne dil kī lagī un se kī thī bayāñ
baat vo le ga.e dil-lagī kī taraf

yaad aa hī jaatī hai aksar dil-e-barbād kī
yuuñ to sach hai chand zarrāt-e-pareshāñ kuchh nahīñ

sach hai jo kuchh bhī hai vo hai garmī-e-bāzār-e-husn
ahl-e-dil kā soz-e-pinhāñ kuchh nahīñ haañ kuchh nahīñ

dam bhar ruke the sāya-e-mizhgān-e-yār meñ
us ḳhānumāñ-ḳharāb ne bhī dil meñ ghar kiyā

lo bārgāh-e-dard meñ rakh kar matā-e-dil
'rif.at' ne is jahān se aage safar kiyā

hijr kī raat meñ bhī dard ke āshob meñ bhī
dil use chāhtā rahtā hai sadā chāhtā hai

kis tarah se dil-e-vahshī ko bhalā samjhā.ūñ
vo to har daam judā rañg judā chāhtā hai

us ko dushman bhī kahūñ us se adāvat bhī rakhūñ
us se maiñ pyaar karūñ dil to baḌā chāhtā hai

lahū kī mai banā.ī dil kā paimāna banā Daalā
jigar-dāroñ ne maqtal ko bhī mai-ḳhāna banā Daalā

dil merā terā tāba-e-farmāñ hai kyā karūñ
ab terā kufr hī mirā īmāñ hai kyā karūñ

kahtā nahīñ huuñ aur zamāna hai bā-ḳhabar
chehre se dil kā haal numāyāñ hai kyā karūñ

har samt pā rahā huuñ vahī rañg-e-dil-fareb
hāthoñ meñ kufr ke mirā īmāñ hai kyā karūñ

dāġhoñ kā qalb-e-zār se mumkin to hai ilaaj
un ke hī dam se dil meñ charāġhāñ hai kyā karūñ

zaḳhm jhele daaġh bhī khaa.e bahut
dil lagā kar ham to pachhtā.e bahut

tah kā andesha rahegā phir na sāhil kī havas
dil se jab qat-e-umīd-e-bevafā ho jā.egī

thī terī tamannā kāhish-e-jāñ is dard se meñ dīvāna thā
chhālā thā dil apne siine meñ ai vā-asfā vo phuuT gayā

aayā thā yahī dil meñ mere rindoñ hī pe kalī bhī pheñkūñ
saaqī kā ishāra paate hī meñ zahr-e-sitam ko ghuuT gayā